Рускиот центар при Универзитетот „Св. Кирил и Методиј“ во Скопје на 4- ти јули 2017 година, им додели сертификати на курсистите кои го положија завршниот испит во вториот турнус од бесплатниот курс за изучување руски јазик, во кој беа обучени 600 кандидати на основно, средно и на напредно ниво. Слушателите на курсевите имаа можност да добијат знаења од домашни, но и од руски предавачи.
„Рускиот амбасадор во Македонија Олег Николаевич Шчербак истакна дека е задоволен од големиот интерес за изучување на рускиот јазик во Македонија, но и во светот, посочувајќи дека рускиот не само што е јазик на светска култура, литература и музика, туку е и јазик на најнапредни технологии меѓу кои се и вселенските истражувања и интернетот.
- Рускиот јазик е јазик на иднината. Бесплатните курсеви во Рускиот центар се уникатна можност за сите кои сакаат да допрат до духовното богатство и милениумската култура на Русија, да добијат важна конкурентна предност која секогаш ќе им биде корисна од професионален аспект, рече Шчербак, додавајќи дека посветеноста на УКИМ кон културата на други земји е гаранција за натамошно успешно зацврстување на неговиот меѓународен углед. - Многу високо ги цениме вашето однесување кон Русија и рускиот јазик и би сакал да ве убедам дека од своја страна Руската амбасада ќе даде сѐ од себе за да продолжи со поддршка на курсевите по руски јазик во рамки на Универзитетот „Св. Кирил и Методиј“, нагласи рускиот амбасадор.“
Рускиот амбасадор во Македонија Олег Николаевич Шчербак:
Драго ми е да се најдеме со Вас во најстариот универзитет на Македонија поради многу убав повод - доделување на завршпи сертификати за курсеви по руски јазик организираии во „Рускиот центар“ на УКИМ. Денешната церемонија е каратеристична пред сѐ со тоа дека меѓу новите апсолвенти не се само оние кои неодамна го почнале својот пат во совладување руски јазик, туку и оние кои го изучувале претходно и одлучиле да ги зголемат постоечки познавања. Сите ние сме искрено задоволни со успешната работа на курсевите, бидејќи познавање на странски јазици, меѓу кои е и рускиот, во современиот свет е исклучително важно за проширувањето на човечкиот поглед, запознозавање со разноличноста на многу неедноставниот свет кој нас нѐ опкружува и зацврстување на заемно разбирање меѓу луѓето.
Бесплатните курсеви при „Рускиот центар“ е уникатна можност не само за да се допре до духовното богатство и милениумската култура на Русија, туку и да се здобие со важна конкурентна предност кое секогаш ке биде корисна од професионалниот аспект. Рускиот јазик е јазик на светската литература, музика, наука, напредни технологии вселенски истражувања, интернет и уште многу различни сфери. Покрај тоа, ова е официјални јазик на најголемата земја во светот, еден од службените јазици на ООН на кој што комуницираат над 300 милиони луѓе низ светот.
На крај, рускиот е најпроширен јазик во светот од број на оние кои што се врз основа на кириличната азбука која, како што се знае, дојде во Русија од македонските земји. Токму во рускиот јазик сега најголемо и географски најшироко е претставено духовното наследство на свети браќа Кирил и Методиј кои се темел на нашиот заеднички културен код.
Искрено сум благодарен на раководството на универзитетот за прекрасни услови кои што се создадени за реализирање на толку важен хуманитарен проект како што се курсевите по руски јазик. Нивната дејност ги продолжува и унапредува собраните во универзитетот богати и успешни традиции промовирање на повеќе странски јазици, меѓу кои се англиски, француски, германски, чешки, полски и други јазици. Убеден сум дека толку внимателно и учтиво однесување кон културата на другите земји е гаранција за натамошно зацврстување на светскиот углед на вашиот прекрасен универзитет.
Од се срце им го честитам на сите сегашни апсолвенти на курсевите по руски јазик успешното завршување на редовниот учебен циклус. Им посакувам здравје и успех. Длабоко му се заблагодарувам на директорот исто така и на професорите за нивниот ентузиазам и стрпливост, висок професионализам, одговорен и креативен пристап кон работата. Од своја страна Амбасадата и понатаму ќе продолжи со сестрана поддршка за курсевите по руски јазик.
Ви благодарам за внимание!
Преминпортал (к.т.)
Друго: