На 19. 08. 2015 година, кога Светата Православна Црква го празнува Преображението на Господа Исуса Христа, Неговото високопреосвештенство, Митрополитот тетовско-гостиварски г. Јосиф, отслужи божествена литургија во Соборниот храм „Света Богородица“ во Гостивар, во сослужение со архиерејскиот намесник протоереј-ставрофор Боге Богојески, протоереј Андон Андоноски и ѓакон Мартин Андоноски. На литургијата верниот народ се причести со Светите Христови Тајни. По литургијата како што пропишува типикот, Митрополитот го освети новиот лозов плод (грозјето).

 За Преминпортал: Синиша Георгиев