Ве известуваме дека во рамките на учеството на Македонската православна црква на годинешниот МЕЃУНАРОДЕН САЕМ НА КНИГАТА, кој ќе се одржи од 08. 04. 2014 година до 14. 04. 2014 година на Скопскиот саем, Повардарската епархија ќе ги претстави сите свои изданија од својата издавачка дејност „Св. Ѓорѓи Полошки“.

Сите изложени изданија на саемот ќе бидат со репрезентативни цени (намалени) во однос на редовните продажни цени на книгите. Покрај книгите, на штандот на Повардарската епархија ќе бидат изложени и бесплатни примероци од списанието на Повардарската епархија „Православна светлина“, како и примероци од илустрираната едиција „Библиски настани“. Истоврмено,

Ве информираме дека на првиот ден од саемот ќе биде одржана промоција на книгите „Старец Јосиф Исихаст“ и „Св. Серафим Саровски“, на која промотор ќе биде протоереј Миле Штрбевски, а ќе присуствува и Неговото Високопреосвештенство, Митрополитот Повардарски г. Агатангел,

а на вториот ден од саемот ќе биде одржана промоција на книгата „Пејач на покајанието“, на која промотор ќе биде свештеник Дарко Милев, а исто така ќе присуствува Митрополитот Агатангел. Ве покануваме да го посетите штандот на Македонската православна црква и да одберете некое од нашите изданија.

Извор: Повадрдарска епархија

+++

 Известување

 Ве известуваме дека од 08.04 до 14.04 2014, во Скопје, ќе се одржи 26. Меѓународен саем на книгата. И оваа година на него ќе учествува Македонската Православна Црква - Охридска архиепископија со својата издавачка дејност. На нашиот штанд ќе бидат изложени поголемиот дел од црковните изданија. Саемот ќе биде отворен за посетители од 10:00 до 20:00 часот.
Во оваа прилика, ќе се реализираат и следниве промоции:

Вторник, 08. април, во 13:00 часот,  промоција на книгите „Старец Јосиф Исихаст“, „Старец Сампсон“ и „Св. Серафим Саровски“, во издание на Повардарската епархија.

Среда, 09. април, во 18:00 часот, промоција на книгата „Пејач на покајанието“, во издание на Повардарската епархија.

Петок, 11. април, во 17:00 часот, промоција на книгите „Плаошки мироглед“ и „Евхаристија“, во издание на Дебарско - кичевската епархија.

Сабота, 12. април, во 13:00 часот, промоција на издавачката дејност на Скопската епархија.