Маркова Сушица, 28/29 јуни, 2013 год.- Марков манастир

Во Марковиот манастир „Св. вмч. Димитриј Солунски“ во с. Маркова Сушица, ноќта петок кон сабота (28-29 јуни 2013 г.), кога во МПЦ ОА  се прославуваат свети Тихон – епископ Аматунтски и светите маченици Тигриј и Евтропиј ; со почеток во 21:30 ч. се одслужи сеноќно бдение со Божествена Литургија предводена од јеромонахот  Атанасиј Арсоски,  во сослужение на ѓаконoт Ѓоко Бурмузоски. Православните христијански души се причестија со Светите Христови Тајни.
Присутните ја имаа благодатта  да се поклонат пред моштите на св. Никола Чудотворец и св. Димитриј Солунски.По примерот на светителите, нашата надеж и љубов во Бога е дека ограниченоста и одпаднатоста на човековата природа  со труд и напор  и ние можеме да ја  надминеме.

  На крајот на Литургијата, игуменијата Илијана со сестринството на Марковата обител ги подкрепија заедничарите во Христа со вкусен компот и овошје.

  Преминпортал: Ратислав Кардалев/ к.т.

29- ти јуни, лето Господово 2013