На 9-ми 2013 година, во Неделата на блудниот син, кога Светата Црква молитвено го празнува споменот на Наоѓање на главата на Свети Јован Крстител, во храмот кој го носи името на светителот, во скопската населба Капиштец, Деканот на Богословскиот факултет д-р Ацо Гиревски отслужи Божествена Литургија. На Литургијта верниот народ се причести со Светите Христови Тајни. По Литургијата се изврши помен за упокоените чеда Божји.
Смртта и животот на човекот после смртта
Бој се од Бога и чувај ги Неговите заповеди. Денес – утре ќе дојде смртта. Таму ќе одговараме. Почесто за тоа размислувај, па ќе го чуваш срцето од зли чувства и склоности...
... Сè е под Бога, и кој знае како ќе дојде Ангелот со повик на оној свет.
Оснажете го срцето и бидете храбри. Зашто самата сестра нема да умре, телото умира, а личноста кој умира останува. Само преминува во друг поредок на живот. Е, и вие, кога таа ќе замине, преминете со своето внимание таму. Во телото кое лежи под покровот и кое потоа се изнесува неа ја нема. И во гробот не ја полагаат неа. Таа е на друго место. Еднакво жива како и сега. Во првите часови и денови таа ќе биде околу вас. Само што нема да проговори и нема да можете да ја видите, но ќе биде тука... Сфатете го тоа.
„... Треба да се има вера: Да не се тагува прекумерно и да не се заборава она сфаќање за смртта и умрените кои ни го дава христијанството.“
... Подсетувањето на смртта... Зошто за тоа да се вознемируваме? Таа денес-утре ќе дојде; и со вознемирување нема да ја оддалечиме. Нам со тоа и ни е одредено да се сеќаваме на смртниот час и секогаш да бидеме подготвени за него. Тоа треба да биде наше главно дело. И секојдневно, дури и секој час да се молиме: „Господи, удостој ме со христијански крај на животот, без болест, непосрамен, мирен и да дадам добар одговор на Страшниот Суд Твој“.
http://preminportal.com.mk/content/view/6066/66/
Преминпортал (к.т.)
9-ти март, лето Господово 2013
Друго:
Св. Теофан Затворник: Смртта и животот на човекот после смртта
Лето Господово 2011
Преминпортал