с.Љубанци, 01.12.2012 год.- манастир на св.Никола

      На 01.12. 2012 година, во дваесет и петтата недела по Педесетница, кога Православната црква во своите молитви благодарејќи се потсетува на  Светиот маченик Платон  и Светите маченици Роман и Варул , во манастирот на свети Никола, во  с. Љубанци (скопско), се  отслужи Божествена Литургија. Верниот народ на Литургијата се причести со Светите Христови Тајни.

  Свети Јован Лествичник

Според природата, молитвата е сопостоење и единство на човекот со Бога. Според дејството, таа е одржување на вселената, помирување со Бога, мајка на солзите и нивна ќерка истовремено, смилостивување за гревовите, мост со којшто се преминуваат искушенијата, панцир кој штити од секоја мака, разбивање на демонските напади, служба на ангелите, храна на сите бестелесни, идно радување, бесконечен подвиг, извор на добродетели, причинител на благодатните дарови, невидливо напредување, храна за душата, просветлување на умот, секира за очајанието, потврда на надежта, ослободување од тагата, богатство на монахот, ризница на тихувателот, смалување на гневот, огледало на духовниот напредок, показател на духовната мера, откривач на духовната состојба, претскажувач на идните добра, предзнак на вечната слава. За оној којшто вистински се моли молитвата е суд Господов, судење пред престолот Негов пред Страшниот Суд.

Preminportal (k.t.)

Лето Господово 2012