Во денот кога Светата Црква го слави споменот на свети Силвестер, eпископ Римски, преподобен Амон, преподобен Серафим Саровски, во Соборниот храм Св. Климент Охридски се отслужи Божествена Литургија.

Молитва за застапништво (повеќе)

О голем угоднику Божји, преподобен оче наш Серафиме, погледни од горната слава на нас скрушените и немоќните,
обременети со многу гревови, кои ја бараме твојата помош и утеха. Погледни на нас со својата благост и помогни ни непорочно да ги зачуваме заповедите Господови, православната вера цврсто да ја одржиме, покајание за своите гревови усрдно на Бога да Му принесеме, благодатно да напредуваме во христијанската побожност и да бидеме достојни за твоето молитвено застапништво пред Бога за нас.