Краткиот 17-минутен игран филм ВРАТА на ирската режисерка Хуанита Вилсон в петок во 20 час. ќе биде прикажан во малата сала на НУЦК Антон Панов во Струмица. Овој исклучителен филм кој беше дел од програмата на последниот Астерфест, е добитник на низа награди, а влегува и во актуелната трка за Оскар. ВРАТА е моќен краток филм базиран врз вистинска приказна за таткото и неговата ќеркичка, со дејство во Русија во 1986 година, кога се случи Чернобилската катастрофа. Филмот ги има добиено главните награди во Сараево и Билбао, а е прогласен за краток филм на годината. На проекцијата лично ќе присуствува режисерката Хуанита Вилсон, која специјално ќе и се претстави на струмичката публика. Организатори на оваа филмска вечер се Тивериополската филмска алијанса и НУЦК А. Панов, со што започнува циклусот активности на полето на филмската уметност во новата сезона во Струмица.