НУЦК АНТОН ПАНОВ и ТИВЕРИОПОЛСКА ФИЛМСКА АЛИЈАНСА во Струмица се организатори на промоцијата на најновите изданија на акад. Митко Маџунков, и тоа: книгата есеи РОДНОТО МЕСТО НА ЛИТЕРАТУРАТА во издание на МАНУ, книгата раскази ГРАБНУВАЊЕТО НА ЕВРОПА во издание на Макавеј и антологискиот роман КОН ДРУГАТА ЗЕМЈА, посебен том од неодамна објавените 130 тома македонска книжевност. Маџунков работниот век го поминал главно во Библиотеката на град Белград, а од 2007 е редовен член на МАНУ. Добитник е на повеќе книжевни и општествени награди и признанија, а неговите драми со успех се играни на професионалните сцени во Струмица и Скопје.
Промоцијата ќе се одржи в петок, во малата сала на НУЦК А. Панов, со почеток во 19,30 час.
За делата на Маџунков и за неговиот книжевен портрет ќе зборуваат промоторите акад. Георги Старделов,
проф. д-р Елизабета Шелева и Богомил Ѓузел.