МАКЕДОНСКО  ДРУШТВО “ИЛИНДЕН”- ТИРАНА
*******************************************************                Македонско друштво“Илинден”-Tирана              Национална  Комeрециална  Банкa - Тирана
Улица :‘’Михал  Грамено” 183 Tирана
Tел: + 38971946391 + 355692401778                      IBAN:AL4820511021289300CLOTCFEURA  EUR      е-mail: Оваа е-адреса е заштитена од спамботови. Треба да ви е овозможено JavaScript за да ја видите.                                                  SWIFT:NCBAALTX
Web: www.ilinden-tirana.com                                                            
                                                                                     IBAN:AL1520511021289300CLOTCLALLY  LEK                                                                                                                                                                     
                                                                                                                            SWIFT:NCBAALTX020
Дел:број: 180/2012
Тирана 13.07.2012 година
                           
Соопштение до медиумите  

Македонското друштво „Илинден“ од Тирана, Република Албанија и Македонскиот клуб “Илинден” од Лацен (Хановер), Сојузна Република Германија, на 13.07.2012 година, во Охрид, потпишаа Меморандум за соработка, водејќи се од желбата за меѓусебно поврзување, како асоцијации на Македонци, кои симболично имат исто име – „Илинден“.

Според документот, договорена е имплементација на програмските цели на двете организации, односно изготвување на заеднички проекти од образовен, едукативен и друг карактер.

Централно место во соработката зазема размената искуства во областа на заштитата на човековите права. За двете организации, исто така, од исклучително значење е употребата и заштита на националните обележја, како и почитувањето и развивањето на традициите.

Значајно место во активностите за остварување на соработката зазема и идно организирање трибини, прослави и свечености со учество на културно-уметнички друштва од двете земји, потоа активирањето едукативни центри, ангажирањето на високостручен кадар во образовниот систем, културата, спортот и друго.

Размената, пак, на кадри во едукативните процеси, размената на деца и младинци, како учесници во разни манифестации и работилници, исто така, имаат клучно место во соработката. Двете организации се согласија да реализираат и разни акции од хуманитарен карактер.                                                           
                                                                                                                                 
Македонско друштво “Илинден”-Тирана