логоFacebookTwitterYouTubeeMail

 

Се упокои во Господ Митрополитот Црногорско-приморски Амфилохиј (30.10.2020 17:24)

Денес, 30 октомври 2020 година, во 8:20 часот, воочи празникот на свети Петар Цетињски, во Клиничко-болничкиот центар на Црна Гора, по примањето на Светата Тајна Причест, се упокои во Господ Високопреосветениот Архиепископ Цетињски, Митрополит Црногорско-приморски и Егзарх на светиот пеќски трон, г. Амфилохиј.

Блаженоупокоениот Митрополит денес ќе биде пренесен во Цетиње, а во Цетињскиот манастир, утре, 31 октомври, на празникот на свети Петар Цетињски, ќе биде отслужена Света заупокоена Литургија. Истиот ден ќе се одржи свечено испраќање на земните останки на Митрополитот Амфилохиј од Цетињскиот манастир до Подгорица, каде што ќе бидат положени во соборниот храм на Христовото Воскресение. Во храмот ќе бидат положени сѐ до недела, кога ќе биде отслужена Света Архиерејска Литургија, со која ќе чиноначалствува Неговата Светост, Патријархот Српски г.г. Иринеј. По Литургијата ќе биде отслужено опело, а потоа ќе се изврши погребението. Верниот народ во молитвени редици ќе може да се поклони пред неговиот одар, а во деновите после погребението секојдневно ќе се служат литургии и помен во храмовите.

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична филологија на Филозофскиот факултет во Белград. Постдипломските студии ги продолжил во Берн и во Рим. Оттаму заминал за Атина, каде што за време на седумгодишниот престој, покрај секојдневната парохиска служба, докторирал, а тезата што ја напишал на грчки јазик, за свети Григориј Палама, ја одбранил со највисока оценка. Потоа, една година престојувал на Света Гора, па потоа бил повикан да предава на Рускиот православен институт „Свети Сергеј“ во Париз, од 1974 до 1976 година, каде што покрај петте јазика што ги совладал, го восовршил и францускиот јазик. Се замонашил во 1967 година, во Грција, каде што потоа, на 21 јули 1968 година, бил ракоположен за јеромонах.

По враќањето во Белград бил избран за декан на Богословскиот факултет и вонреден професор, а на крајот на 1985 година бил ракоположен за Епископ Банатски, со седиште во Вршац, од каде што, воочи Божик во 1991 година, пристигнал во Цетиње, кога бил востоличен за Митрополит Црногорско-приморски-скендериско-брдско-зетски и егзарх на пеќскиот трон. Митрополитот Амифилохиј ја поттикнал обновата на црквите и манастирите и ракоположил голем број свештениците. Во 1992 година го основал списанието „Светигора“, и развил широка издавачка дејност. Во 1998 година го основал и Радиото Светигора. Покрај теологијата и филозофијата, се занимавал и со есеистика и преведување. Автор е на голем број теолошки дела.

На Богословскиот факултет при Универзитетот во Белград предавал од 1980 до 2005 година, кога се повлекол поради многуте обврски. Во 2012 година бил избран за почесен доктор на Институтот „Свети Сергиј“ во Париз.

Митрополитот Амфилохиј беше член на Светиот Архиерејски Синод на СПЦ, и беше втор по ранг меѓу епископите во хиерархијата на СПЦ, веднаш после Патријархот српски.

Нека му е вечен споменот!

Извор: spc.rs

Преземено од:http://www.mpc.org.mk/svetaktuelno.asp?id=7341


    
   



Видео содржини

Поуки од Светите Отци

dobrotoljubie

Духовност

Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…
Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…

Свети свештеномаченик Харалампиј

Фев 23, 2020 Житија 2518
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1698
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2178
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…