Света Злата Мегленска! Името Твое е Светителка и Бог те удостои со светителски венец на славата, зашто му остана верна на Бога и на твојој народ. Името Твое е Македонка, зашто го даде својот живот за својата Татковина Македонија.
Името Твое е Злата, зашто си златна "не само по името, туку и по богобојазливото срце".

Со овие зборови парохискиот свештеник, протоереј Кирко Велински ја започна својата проповед на Божествената Литургија која беше одржана на 23. 10. оваа година, по повод патрон-празникот на МПЦО "Св. Злата Мегленска" Загреб.

Верниот народ ја прими Светата Тајна Причест.

На Литургијата присуствуваа:Советникот при Амбасадата на Република Македонија во Република Хрватска, сите Претседатели на македонските клубови во Р. Хрватска, Претседателот на Советот на Македонците во Р. Хрватска, Пречасни Звонимир Секељ, помошни бискуп загрепски и Др. Звонимир Куречиќ, пребендар при Духовни стол, Каптол, Госп. Фрањо Дубровиќ, од Министерството за верски односи.

По духовната, следеше и телесна окрепа во дворот пред Црквата Св. Рок, каде што се одржуваат Литургиите на нашата Црковна Општина.

Од Загреб за Преминпортал: Стојанка Тежак