Матка, 8ми декември  2019 лето Господово- манастир Успение на Пресвета Богородица

Евангелие на празник: Свето евангелие според светиот апостол Јован 10:9-16

9.     Јас сум вратата: кој ќе влезе преку Мене, ќе се спаси; и ќе влезе, и ќе излезе, и пасиште ќе најде.
10.     Крадецот доаѓа само да украде, да убие и да погуби. Јас дојдов за да имаат живот вечен и да имаат изобилие.
11.     Јас сум добриот Пастир. Добриот пастир си ја полага душата своја за овците;
12.     а наемникот, кој не е пастир, и кому овците не се негови, види ли волк да иде, ги остава овците и бега; и волкот ги разграбува и ги распрснува овците.
13.     Наемникот бега, зашто е наемник, и не се грижи за овците.
14.     Јас сум добриот Пастир: и ги знам Моите, и Моите Ме знаат Мене.
15.     Како Мене што Ме познава Отецот, така и Јас Го познавам Отецот; и душата Своја ја полагам за овците Свои.
16.     И други овци имам, што не се од ова трло, и нив треба да ги приберам; и ќе го чујат гласот Мој и ќе биде едно стадо и еден пастир.

На 8ми декември  2019 година, во дваесет и петата недела по Педесетница,  на празникот на свети Климент Охридски, патронот  на Македонската Православна Црква – Охридска Архиепископија, во манастирот Успение на Пресвета Богородица во месноста Матка, ереј Александар Најдовски  отслужи Божествена Литургија на која бројниот верен народ се причести со Светите Христови Тајни.Во текот на Литургијата отецот беседата ја посвети на, како што кажа:

„ Повторно и повторно Блага вест за Вечен Живот...Ние живееме во свет со време и простор, и мисиме дека нашиот живот се состои единствено од ден и ноќ, од мигови и часови.А ете, Спасителот преку Светото Евангелие постојано зборува за Вечен Живот...

...Чудесната денешна благовест, која ја кажува денешното неделно свето Евангелие е затоа дека некои се измачуваат со тоа прашање како да се здобиеме со Вечен Живот.

25.     И ете, стана еден законик и, искушувајќи Го, рече: „Учителе, што да направам за да добијам живот вечен?”
26.     А Он му рече: „Што е напишано во Законот? Како читаш?”
27.     Тој одговори и рече: „Возљуби Го Господа, Твојот Бог, со сето свое срце, со сета своја душа, со сета своја сила и со сите свои помисли; и својот ближен како себеси!”
28.     Му кажа пак: „Добро одговори; тоа прави го и ќе бидеш жив.”

 Преминпортал (к.т.)

Друго:

• Божествена Литургија во манастирот Успение на Пресвета Богородица, Матка (28.07.2019)
• Божествена Литургија во манастирот Успение на Пресвета Богородица, Матка (20.01.2019) ...
• Божествена Литургија во манастирот Успение на Пресвета Богородица, Матка (22.09.2019) ...
• Божествена Литургија во манастирот Успение на Пресвета Богородица, Матка (21.11.2019)