Golden Eye за директорот на фотографија Наум Доксевски
Директорот на фотографија, Наум Доксевски, ја освои наградата Golden Eye во категоријата Најдобара студентска работа, на фестивалот за филмски и ТВ сниматели Golden Eye, кој викендов се оддржа во Тлибиси, Грузија, за својот дипломски краткиот игран филм “Враќање”.
Во категоријата Најдобра студентска работа, покрај “Враќање”, беа номинирани уште 2 краткометражни играни филмови од Унгарија и Германија. За доделувањето на оваа награда, на Доксевски, одлучуваше жири во следниов состав: Hiro Narita, член на американската асоцијација на кинематографери и директор на фотографија на филмовите Star Trek , Hocus Pocus и др.; Max Mestroni, организатор на Movie festival од Италија; John Henshall, заменик претсетдател на Здрушението на телевизиски сниматели во Велика Британија.
Фестивлот Golden Eye се одржува седма година по ред и покрај доделувањето на наградата негов составен дел се и презентации на опрема за снимање, мастер класови со специјални гости, проекции на селектираните филмови во секоја од категориите.
На претходните изданија на овој фестивал учество земале реномирани директори на фотографија кои ги снимале филмовите на Martin Scorsese, Quentin Tarantino, Nicholas Meyer, Robert Rodrigez.
Наум Доксевски е дипломиран филмски и ТВ снимател во класата на проф. Апостол Трпески на Факултетот за драмски уметности во Скопје. Како директор на фотографија досега има потпишано пет краткометражни играни и неколку документарни филмови.
“Враќање” е краток игран филм на режисерката Дина Дума, а е во продукција на Факултетот за драмски уметности од Скопје и истиот е реализиран со буџет од Агенцијата за филм на Р. Македонија. Кастот го сочинуваат: Ивана Павлаковиќ, Димитрија Доксевски, Кристина Леловац, Ивица Димитријевиќ, Софија Куновска, Никола Ристановски, Владо Јовановски, Сашко Коцев, Гораст Цветковски, Аксел Мехмет и Александар Вељановски.
„Враќање “досега бил прикажан на над 30 фестивали ширум светот и има освоено повеќе награди за најдобар филм и за најдобра камера.
Линк од доделувањето:
https://www.youtube.com/watch?v=YF7cR1jcEzA
Линк до showrell-от на Наум Доксевски:
https://vimeo.com/137173130
Линк до фестивалот:
https://www.facebook.com/goldeneyefestival
http://goldeneye.ge/en/home/index
https://www.facebook.com/goldeneyefestival
http://goldeneye.ge/en/home/index