Премиерна проекција на краткиот анимиран филм “НАРОДЕН ФРОНТ 12” на режисерот Иван Ивановски

Почитувани,

На 13 април-петок, во кино салата на Кинотека на Р. Македонија, со почеток во 20.00 часот премиерно ќе биде прикажан краткиот анимиран филм “Народен фронт 12” во режија на Иван Ивановски.

“Народен фронт 12” е 10 (десет) минутен анимиран филм кој го отсликува современото општество преку испреплетени приказни, симболи и алегории присутни во и околу зградата со број 12.

Фимот е изработен во техника на стоп-анимација и се реализираше во периодот од септември, 2010 година до март, 2012 годна.

Покрај премиерното прикажување на “Народен фронт 12” публиката ќе може да проследи уште 4 (четири) кратки анимирани филмови во режија на Ивановски и тоа: Внатре (2009), Шајкање (2008), Избледување (2008) и Влажен сон (2007).

“Народен фронт 12” е во продукција на ТРИС Филмс, и се реализираше со финансиска поддршка од страна на Филмскиот фонд на Р.Македонија.

Екипата која работеше на реализација на филмот е:

сценарио/режија/монтажа/камера/анимација: Иван Ивановски

продуцент: Виолета Качакова

визуелни ефекти: Мишо Ристов и Горан Петрушевски

музика: Филип Митров и Иван Ивановски

звук: Ален Хаџи-Стефанов  и Иван Ивановски

асистент на сценографија:  Далибор Риситќ

асистент на продукција: Корнелија Ристовска