логоFacebookTwitterYouTubeeMail


 ДЕЛ ЧЕТВРТИ

(Продолжение)

2. НЕГОВИТЕ ГРИЖИ ЗА РЕДОВНИ БОГОСЛУЖБИ. - Со доаѓањето во Париз, Архиепископ Јован ги заварил емигрантите - Руси без свој храм во градот. Богослужбите за нив се извршувале во простории, приспособени за таа намена.
Прва негова задача била (што самиот си ја поставил!), да се реши проблемот со храмот. За оваа цел била формирана група од доброволци, кои ќе се погрижат да се најде поширок простор за храм. Забележливо било дека од празник до празник бројот на учесниците на заедничките молитви станувал се поголем и поголем.
Намерата им била добра и неодложна, ама можностите - сосем мали. Сепак, надеж постоела и кај Владиката и кај верниците. Верно, средствата, со кои во моментот располагала Заедницата, биле скромни, но упорноста не ги напуштала.
Животот ја потврдува вистината дека секој добронамерен потфат не останува нерешен, ако тој се решава со вера и надеж во Бога! Еве и во овие и вакви прилики, по молитвите на Архиепископ Јован - од една страна и сесрдното залагање на групата -доброволци - од друга, за релативно кратко време биле пронајдени две празни гаражи, изградени едно-додруго. Со заеднички напори, гаражите биле споени и реновирани, па по тој начин бил добиен поширок простор за одржување Свети Богослужби.

vozdvizenie.jpg

vozdvizenie.jpg

vozdvizenie.jpg

 

 

Отпосле, според изјавите на повеќе верници, овој нивни храм бил „скромен и сиромашен", но тие го засакале, зашто во него провејувал „вистински молитвен дух". На ова, една верничка ќе додаде: „Со нашиот драг Владика лесно е да се молиш!"
Црковниот ред строго се почитувал и неизоо тавно секој ден се богослужело. Голем недостаток имале, што тешко се наоѓале редовни црковни певци. Во првото време, на певница помагал само еден певец, но тоа било недоволно и заморно.
Во врска со ова, за одбележување е еден характеристичен настан: на Страсната седмица (непосредно пред Велигден!) - богослужбите долги, па во еден момент читајќи, певецот умислено изоставил еден дел да прочита, надевајќи се дека тоа нема да се забележи. Владиката ова го забележал и го запрел (певецот), па самиот го изговорил пропуштеното, без да има книга пред себе.
Во поглед на редот во храмот, тој бил строг и барал точност и внимателност. Неодговорното однесување било туѓо за него. Она што е свето, велел, не смее да се оскверни со ништо, а најмалку - од невни¬мание. Овој свој став Владиката го потврдувал со личен пример, така што и оние, кои дотогаш биле свикнати на друг ред, гледајќи го него, почнале сознателно да се коригираат. На пример, тој заварил една не ретка појава некои свештеници да разговараат во Олтарот, но отпосле оваа грешка била сосем изоставена; особено никој не ја повторувал во негово присуство. Па и оние што помагале во храмот, во многу нешто го измениле своето однесување. Исклучоци имало, но тие биле ретки.
Архиепископ Јован барал и од верниците да се почитува наследената црковна практика. Имено, пристојно да се стои и да не се разговара во храмот; нафора да примаат само оние, кои пред Светата служба ништо не вкусиле; а на жени со нацрвени усни не дозволувал да целиваат крст и икони и т.н.
Покрај сите настојувања, сепак се поткраднувале помали или поголеми грешки било кај свештенослужителите било кај верниците. Во тој случај, Архиепископ Јован на лице место укажувал на грешките, но без и најмала доза на злоба. Неговите добри познавачи тврдат дека него никој никогаш не го видел гневен. Благата негова насмевка била потврда дека и кога ги правел забелешките, намерата му била да поправи, а не да навреди. Таа негова блага насмевка повеќе делувала, отколку зборовите, па затоа успевал во своите добри намери.
Како Архијереј, иако имал власт, тој никогаш не се поставувал во улога на судија спрема било кого. Држејќи се строго до евангелската порака, не судел и не осудувал никого, а најмалку во отсуство на оние, кои погрешиле во нешто. Во оваа смисла, Е. Черткова приведува поучен пример. Имено, Владиката Јован бил отсутен, а постојан свештеник немале во храмот, па поканиле друг да служи бдение. Од непознати причини за верниците, свештеникот служел, но многу скратил од службата. Отпосле, група верници, револтирани од случајот, решиле и отишле да се жалат кај Архиепископот. Откако ги ислушал, се насмевнал и им рекол: „Ну, вам никако да ви се угоди! Јас служам премногу долго, а овој - премногу кратко!" (Навистина, имало приговор од некои верници за долгите Владикови богослужби, па и тој бил принуден да биде пократок). Тужителите, меѓу кои била и Е. Черткова, се засрамиле од смелоста да осудуваат свештено лице, па на крајот самата изведува заклучок, велејќи: „О, колку е страшно осудувањето воопшто, а посебно - духовни лица! Владиката, пак, така мило и смирено (кротко) ни ја предаде оваа лекција!"

 

(Продолжува)

Подготви: Стојанка Тежак

vozdvizenie.jpg

Борис Кр. Бошковски
СВЕТИ ЈОВАН ШАНГАЈСКИ
(1896. - 1966.)
Животот, дејноста и чудесата на Свети Јован (Максимович), Скопје 2001

Со благослов на Неговото Блаженство Архиепископ Охридски и Македонски г. г. Стефан

Издава
Свети Архиерејски Синод на Македонската Православна Црква

 СВЕТИ ЈОВАН ШАНГАЈСКИ (6)

СВЕТИ ЈОВАН ШАНГАЈСКИ (5)

СВЕТИ ЈОВАН ШАНГАЈСКИ (4)

СВЕТИ ЈОВАН ШАНГАЈСКИ (3)

СВЕТИ ЈОВАН ШАНГАЈСКИ (2)

СВЕТИ ЈОВАН ШАНГАЈСКИ (1)

 

 



Видео содржини

Поуки од Светите Отци

krusevoexport

Духовност

Ноември 25, 2018

Акатист кон свети Нектариј Егински

КОНДАК 12Трудејќи се, си ја умножил благодатта дадена од Бога, рабу Божји, добар и верен Нектариј, затоа направи и ние да ја завршиме духовната работа и стекнувајќи ја заработката, да Му запееме на Христа: Алилуја!
Октомври 30, 2018

Житие на преподобна Параскева – Петка (Епиватска или Трновска)

Света и преблажена маченичко Христова Параскево, убавино на девственичките, пофалбо на мачениците, пример за чистота, огледало на велокодушните, восхит на премудрите, чуварко на верата христијанска, изобличителке на лагата идолска, поборничке на Божественото…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 776
Деновиве нашите две свештени Обители, Бигорски и Рајчица, ги посети во светски рамки…

ПРЕПОДОБЕН ПАХОМИЈ ВЕЛИКИ

Окт 18, 2018 Житија 1056
Паралелно со преподобниот Антониј Велики, основачот на пустинското, анахоретско монаштво,…

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Окт 18, 2018 Житија 1002
Над сè, свети Ефрем си останува прекрасен проповедник – амвонот е почеток и крај на…

Беседи

БEСEДА  за живата надeж

БEСEДА за живата надeж

Нo, кoј дeнeс им пoкажа живo надeвањe на луѓeтo, кoј и какo? Апoстoлoт Пeтар oдгoвара на oва прашањe: “Гoспoд наш Исус Христoс и тoа сo вoскрeсeниeтo oд мртвитe. Никoј друг...

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

БEСEДА за барањeтo на живиoт пoмeѓу мртвитe

БEСEДА за барањeтo на живиoт пoмeѓу мртвитe

Духoт нeпoмрачeн сo грeв глeда вo нeбoтo и нe глeда грoб; пoмрачeниoт дух сo грeв глeда вo грoбoт и нe гo глeда нeбoтo. Грeвoт и дoбрoдeтeлта управуваат сo духoвниoт вид...

Митрополит Струмички Наум - Моќно превентивно или ризично куративно

Митрополит Струмички Наум - Моќно превентивно или ризично куративно

Бог е совршен, и како совршен, сѐ што прави – прави совршено. Кога Бог го направи човекот, всушност, направи бог – иако не по природа. Направи човекобог, кој треба да...

Жарко Ѓорѓиевски - Недела на преподобна Марија Египетска

Жарко Ѓорѓиевски - Недела на преподобна Марија Египетска

Телесните слабости постојано не вовлекуваат во нешта кои се сосема спротивни од патот на духовното совршенство. Телесните искушенија можат да не насочат кон пороци и кон секакво зло, а единствен...

Митрополит Струмички Наум: „Учителка“

Митрополит Струмички Наум: „Учителка“

Ајде повторно и оваа година – како во годините наназад, на Нејзиниот ден, да го обновиме нашиот подвиг – молитвеното правило „Богородице Дево...“ Оваа молитва, за нас раслабените, е последна...

БEСEДА за сeмoќта на збoрoт Бoжји

БEСEДА за сeмoќта на збoрoт Бoжји

Нo пoстoи рeд и начин пoмeѓу тваритe, видлив и дoстапeн за нас луѓeтo, а пoстoи рeд и начин нeвидлив и нeдoстапeн. Спoрeд тoј нeвидлив и нeдoстапeн рeд и начин, кoј...

Празникот Благовештение – првиот цвет на Пасхата

Празникот Благовештение – првиот цвет на Пасхата

Ете она што дојде да нѐ повика, сега ни се јави: Бог надумно се соединува со луѓето; со гласот на Архангелот прелеста се изгонува, а Дева радост прима; небото слегува...

Викарен Епископ Стобиски г. Јаков: Жртвена прегратка (31.03.2019)

Викарен Епископ Стобиски г. Јаков: Жртвена прегратка (31.03.2019)

Ако ги приклониме колената, а во срцето свое, во вистинскиот храм во кој Бог се вселува, не го поставиме Крстот, сме го промашиле суштинското значење на празникот, затоа што тоа...

« »