Хеврон: До стеблото на дабот Мамвриски се појавија млади фиданки

11 јуни 2014

На третиот ден од празникот на Света Троица, духовништвото при Руската178139.jpg Духовна Мисија во Ерусалим на чело со игуменот Теофан традиционално се упати кон Хеврон, каде како што е познато се случило јавувањето на Света Троица на Авраам.

Во чест на ова собитие во храмот „Светите Праотци“ при големо мнозинство на православни верници беше отслужена божествена Литургија, соопштува сајтот на Руската Духовна Мисија во Ерусалим.

За време на службата, покрај монахињите, парохјаните од Израелските храмови и поклониците, беа присутни и значителен број на православни палестински Арапи, службата во храмот се одвиваше на два јазици – руски и арапски. После Литургијата беше направена литија кон Мамврискиот даб, каде што беше отслужен краток молебен со читање на Евангелие.

Неколку илјадници год., наназад на ова историско место родоначалникот на еврејските и арапските народи и татко на сите верници, Авраам, го примил кај себе трите Ангели – самиот Бог на Кого Му се поклонуваме во Троица и Кој во длабока старост му дарувал син и од Него произвел многу големи народи.

Многу векови овој Мамвриски даб е почитуван како голема светиња и е чуван од верниците. Сега тој е моќен засушен скелет, што е запазен од паѓање со специјални метални потпирачи, но она што охрабрува е тоа дека покрај стеблото на овој легендарен даб се појавија млади фиданки.

Извор: Православие.ру

Извор: Бигорски манастир