логоFacebookTwitterYouTubeeMail

ioann

Богољубива Елена Акселевна!

Се збунуваш, кога се гледаш многу слаба во духовниот живот и не напредуваш, туку назадуваш. Како сакаш, да се гледаш исправна во сè? Тоа не се случува. Според законот на духовното знаење: колку повеќе човек преуспева во духовниот живот, толку погрешен се гледа себеси. Еден од светите аскети напишал: „Ако ги гледаш гревовите свои како морскиот песок, тоа е почеток на просветлувањето на душата и знак за нејзино здравје.“ Едноставно: душата станува поскрушена и срцето посмирено, и се смета себеси навистина за полошо од сите.

Во молитвата не очајувај ако не гледаш успех. Прочитај го во Лествицата 26-то слово, 60-та глава, и уште 28-то слово од 29-та глава. Пишуваш, дека јас сум се нашол да те учам со ум и разум; но тоа не е така. Како можам да ги учам другите, кога и самиот одам со напипување и се сопнувам, а ако слепец води слепец, и двајцата ќе паднат во јама. После долгата преписка со о. Сергеј, веројатно ти ги пазиш неговите писма и ги помниш неговите совети, а јас, неписмениот, како можам други да раководам во толку големо дело, поскапо од целиот свет? Јас немам свој духовен опит, а ако одговарам на некого, не кажувам од мене, туку позајмувам од светите отци, и самиот се срамам: ги учам другите, а како живеам сам?

Во денешно време, ние сме лишени од тоа богатство – да живееме под раководство на опитен во духовниот живот старец. Раководителот треба да го покажува патот, по кој поминал сам, а ако раководи само по книгите – излегува нешто сосема друго. Оној кој говори и оној кој слуша, мислат дека взаемно се надградуваат, но кога ќе вкусат колку е благ Господ (Пс. 33, 9), само тогаш ги разбираат своите грешки. Свети Петар Дамаскин кажува за себеси, дека претрпел голема штета од неопитни советници; раководителот треба да е бестрастен и да има дар на расудување, а имено да ги знае: времето, почетокот, намерата, устројството на човекот, силата, знаењето, усрдноста, возраста, немоќта, волјата, сокрушеноста, воспитувањето, расположението, поведението, разбирањето, природниот ум, трудот, бодроста, бавноста, Божјата намера, смислата на секоја изрека од Светото Писмо и многу други работи. Ете каков треба да биде раководителот во духовниот живот, и какво расудување треба да има.

За мој срам, јас живеам во манастир веќе 48 години, и самиот се растроив толку, што не знам од каде да почнам, како да си ја спасувам душата. И не си мисли дека така зборувам од смирение, не, не, навистина сум таков. Кога бев млад, имав ревност во изобилство, некое време носев багреница и вериги, се трудев да барам свети подвижници, но некако не успеав да откријам; веројатно не сум ги разбирал, со мојата неопитност. Првата ревност, обрнува внимание на буквата, која го убива духот, и  јас не сретнав таков наставник, кој би ја поддржал ревноста и правилно би ме раководел во духовниот живот. А оној кој живее без раководител, според зборовите на св. Јован Лествичник, е ненадежен, како некој кој се кичи. Така и си останав „пирошка без ништо“. Но, не очајувам, верувам во Божјото милосрдие и се стремам кон Него според силите, си спомнувам за евангелското лозје, во кое дошле наемници во единаесеттиот час и ја добиле истата плата, како и оние кои работеле од утрото. Многу сум задоволен и радосен, што Господ промислил животот да го поминам во манастирските ѕидови.

Напишав, дека буквата убива, но треба да се разбере значењето на зборовите: буквата го убива оној, кој се потпира на неа и гледа на неа како добродетел, а не како средство кон добродетелта. Се разбира, нема плодови без листот, но без плодови смоквата се суши.

Пишуваш дека сакаш вкусна храна, а кој не ја сака? Само оној, кој вкусил од небесната утеха и го зауздува стомакот – тој господар на сè лошо. Прости, го напишав лошо, разбери го некако со досетки. Има многу пропусти и необјасниви нешта, чиј израз може дури да те збуни.

Ако човек не се стреми кон нешто, а го избираат на некаква должност, значи на тоа има Божја волја и Господ ќе помогне, а од непријатностите никаде не можеш да избегаш; каде и да оди човек, тие ќе отидат со него.

Го призивам Божјиот благослов над тебе.

Со љубов во Христа,

Схиигумен Јован.

Извор: Преспанско- пелагониска епархија



Поуки од Светите Отци

krusevoexport

Духовност

Декември 09, 2019
7.Vselenski.sobor

Почитување на Пресветата Мајка Божја

Таа е заштитничка и покров на христијанскиот род. Како Мајка на Синот Божји, таа има најголема слобода и моќ пред престолот Божји, и нејзе Црквата, по Бога, најмногу ја почитува и прославува во своите безброј молитви и химни, како најсилна заштитничка и…
Декември 05, 2019
7.Vselenski.sobor

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората категорија.Догматиката е многу…

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот,…

Свети великомаченик Димитриј Солунски

Ное 09, 2019 Житија 145
st-demetrius
Благочестивиот Димитриј пред царевите ги поставил Божјите заповеди. Го возљубил Господ…

Митрополит Струмички Наум-Царството небесно прилега... на простување (19.08.2017 )

Ное 07, 2019 Беседи 355
7.Vselenski.sobor
Честопати и мене ме прашуваат зошто примам или им помагам на луѓе за кои мнозина од…

Беседи

БEСEДА за сoвршeниoт чoвeк

БEСEДА за сoвршeниoт чoвeк

Eдинствoтo на вeрата, браќа, и пoзнавањeтo на Синoт Бoжји, Гoспoда Исуса Христа Спаситeлoт, сoeдинува двајца луѓe вo eдeн чoвeк, илјада луѓe вo eдeн чoвeк и мнoгу милиoни луѓe вo eдeн...

Митрополит Струмички Наум: ВОВЕДЕНСКИ РАЗМИСЛУВАЊА

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората...

Арх.Партениј Бигорски: За разумноста и безумието

Арх.Партениј Бигорски: За разумноста и безумието

Следствено, грев е човек да биде острастен кон материјалните нешта, кон земните блага, кои се минливи и му се дадени на човека да му послужат за добро, а не тој...

митр. Павел Сисанијски: Сите за еден

митр. Павел Сисанијски: Сите за еден

 Бог Го покажа Своето човекољубие не со евтини слова, но со принесувањето на Својот Син. Христос се појави во светот, со низа конкретни дела на љубовта. Првото дело е наклонетоста...

Митрополит Струмички г. Наум: Познанието на Бог е едноставно својство на просветлениот ум

Митрополит Струмички г. Наум: Познанието на Бог е едноставно својство на просветлениот ум

Посебно по воплотувањето Христово и Неговиот Домострој на нашето спасение, ѓаволот станува како играчка со која малите деца си играат (свети Атанасиј Велики) или како спаринг-партнер за оние што се...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Арх. Јован Крестјанкин - Да ги оживееме срцата  поради Бог !

Арх. Јован Крестјанкин - Да ги оживееме срцата поради Бог !

Денес, драги мои пријатели, поученоста од животот на старозаветните праведници ме наведува со вас да зборувам за верата. Имено, нивната големина е одредена само со верата, точно живата и дејствителна...

Викарен Епископ Јаков Стобиски:  „Епископот седи на место и во обличје Христово“

Викарен Епископ Јаков Стобиски: „Епископот седи на место и во обличје Христово“

 Епископот не станува Епископ поради некаква своја заслуга, туку исклучиво по благоволение Божјо, во послушание кон Светиот Архиерејски Синод, поради молитвите, и најважно од сѐ, заради потребите на Црквата. Затоа,...

Митрополит Струмички Наум: Самооправдувањето е одрекување од Богочовекот Христос како наш урнек...

Митрополит Струмички Наум: Самооправдувањето е одрекување од Богочовекот Христос како наш урнек...

 Страшна е потребата на човекот да се самооправдува; за мене, дури најпогубната појава од сите гревовни појави во човековиот душевен и ментален свет. Самооправдувањето е главна карактеристика на паднатиот човек,...

« »