логоFacebookTwitterYouTubeeMail

 

 Скопје,11. март 2019 година- храм на св.вмч. Димитриј

 

10. март 2019. година
Свети Тарасиј Цариградски
Недела Сиропусна (Мт. 6,14-21; зач. Мт. 17)

Во името на Отецот и Синот и Светиот Дух. Благочестиви христијани,

Денес е Прочка; денес е ден на простувањето. Денес зачекоруваме по патот на засилената молитва со желба подостојно, почисто и подостоинствено да се издигнеме во прославувањето на Празникот над празниците - Воскресението Христово. Денешниов чекор - барањето прошка и простувањето е првото скалило на нашето патешествие. Во денешно време, колку е тешко да се прости, уште потешко е да се најдат сили и да се побара прошка. Простувањето бара смиреност, слегување до најтемните длабочини на душата, чистење на духовните депоа, замрачени од секојдневните потреби, проветрување од гревот и страстите. Да се побара прошка и да се соберат сили за простување е првото скалило во долгото искачување до совршенството; зашто христијаните не смеат да се задоволат со ништо помалу од совршенство, според зборовите на Спасителот: „Бидете совршени како што е совршен вашиот Отец Небесен!"

Во денешново евангелско четиво Господ Исус Христос не упатува на три основни чекори: простувањето, постењето и безвременската награда која не очекува. И токму првиот чекор е простувањето: „Ако им ги простите на луѓето гревовите нивни и вам ќе ви ги прости вашиот Отец Небесен." - вели Христос. Силата на простувањето е двонасочна и необично поврзана со давањето опрост и барање прошка. Невозможно е да се прости, а да не се побара опрост, и обратно, да се бара прошка, а да не се прости. Простувањето, исто така, има огромно влијание во емотивното поврзување на луѓето: со барањето прошка и со простувањето меѓусебно се поврзуваме на еден длабок начин кој задира во крајните духовни длабочини на нашето битие. Со простувањето и барањето прошка ги ставаме деловите на сложувалката на соодветно место, ги пополнуваме човечките слабости, ги исцелуваме чувствителните рани кои го подјадуваат нашето достоинство и се израмнуваме помеѓу себе. Од партнери, соработници, колеги, соседи стануваме луѓе со братско-сестрински духовни врски кои знаат да простат и на кои им е простено. Простувањето не е и не смее да биде заборавање, не е игнорирање на меморијата, туку вистински акт на преродување на меѓусебната љубов. Некои современи социолози и психолози ќе го наречат простувањето потреба за себеиздигнување над другиот и ставање во извесна/емотивна надмоќ, но не е така. Како што спомнавме - простувањето е двонасочно дејствие - барам прошка и давам прошка, и поинаку ниту е, ниту би било вистинско христијанско простување.
Господ Исус Христос вели: „Кога постите, не бидете жалосни како лицемерите; зашто тие си ги прават лицата мрачни, за да се покажат пред луѓето дека постат. "Постот е самоодалечување од нештата кои можат да потикнат страсти од секаков вид и како таков е даден и зададен уште од времето на првите луѓе, кои токму поради непочитувањето на постот се одалечиле од Бога и Божјата близина. Постот не е мачење од религиозна причина со цел на крај да истераме некоја обичајна постапка само затоа што така треба. Во деновите што следат треба да знаеме дека постот не е цел сам по себе, туку едно од средствата со кои се удостојуваме и се уподобуваме за подобро живеење и разбирање на црковниот поредок. Постот не е период кој треба да се издржи, но начин на живот кој се живее денес и сега. И токму затоа Христос ни кажува да внимаваме, да не бидеме со натажени лица и да глумиме мачеништво во текот на постите, зашто радоста која не очекува е поголема и повозвишена од секаков вид на постење.
И на крајот, сите плодови кои ги собираме се за вечност - затоа треба да бидат вечни и нетрулежни. Каков и да е дарот, ако не е за вечност сепак е бесцелен. Не постои ништо што може да го мине филтерот на вечноста, а е од времен карактер. А Христос дал совет какво богатство е вредно за чување: „Не собирајте богатства на земјата, каде што ги јаде молецот и рѓата, и каде што крадците ги поткопуваат и крадат; но собирајте си богатства на небото, каде што ни молец, ниту рѓа ги јаде, и каде што крадци не ги поткопуваат, ниту крадат; зашто, каде што е богатството ваше, таму ќе биде и срцето ваше. "За денешниот современ човек богатството е во убави облеки, скапоцен накит, луксузни станови, куќи и коли и воопшто се она што е во функција на сопственото раскошно живеење. Но, сите овие нешта се подлежни на распад, на гниење, ограбување од зли луѓе, па зарем не е лудост целиот живот да ни биде свртен кон тоа расипливо богатство.

 


А за какви небесни блага зборува Господ? Зборува за бесмртна слава, вечна радост и живот без тага и меѓусебна завист; зборува за Царството Небесно. Кога веќе се декларираме како христијани и Го признаваме и повикуваме Бога за свој Отец, нормално би било да ги полниме нашите трезори на небото со христијански добродетели и богоугоден живот. Само ова богатство е вечно, нетрулежно и донесува вечна блажена радост, за конечно да го слушнеме Божјиот благослов и повик: „Дојдете благословени од Мојот Отец; наследете го Царството, приготвено за вас од почетокот на светот!"
Претстојниот пост да го поминеме во молитва и покајание за сопствените гревови; да се наоружаме со молитва против сите искушенија од овој свет за достојно да ја пречекаме Светлината на светот - воскреснатиот Христос, Спасителот наш.
Амин.

Беседа: о.Жарко Ѓорѓиовски

 

Преминпортал (к.т.)

 

 

 Друго:

Божествена Литургија во храмот на св.вмч. Димитриј (10.03.2019)

 

 

 

 



Видео содржини

Поуки од Светите Отци

krusevoexport

Духовност

Ноември 25, 2018

Акатист кон свети Нектариј Егински

КОНДАК 12Трудејќи се, си ја умножил благодатта дадена од Бога, рабу Божји, добар и верен Нектариј, затоа направи и ние да ја завршиме духовната работа и стекнувајќи ја заработката, да Му запееме на Христа: Алилуја!
Октомври 30, 2018

Житие на преподобна Параскева – Петка (Епиватска или Трновска)

Света и преблажена маченичко Христова Параскево, убавино на девственичките, пофалбо на мачениците, пример за чистота, огледало на велокодушните, восхит на премудрите, чуварко на верата христијанска, изобличителке на лагата идолска, поборничке на Божественото…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 758
Деновиве нашите две свештени Обители, Бигорски и Рајчица, ги посети во светски рамки…

ПРЕПОДОБЕН ПАХОМИЈ ВЕЛИКИ

Окт 18, 2018 Житија 1038
Паралелно со преподобниот Антониј Велики, основачот на пустинското, анахоретско монаштво,…

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Окт 18, 2018 Житија 984
Над сè, свети Ефрем си останува прекрасен проповедник – амвонот е почеток и крај на…

Беседи

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

БEСEДА за барањeтo на живиoт пoмeѓу мртвитe

БEСEДА за барањeтo на живиoт пoмeѓу мртвитe

Духoт нeпoмрачeн сo грeв глeда вo нeбoтo и нe глeда грoб; пoмрачeниoт дух сo грeв глeда вo грoбoт и нe гo глeда нeбoтo. Грeвoт и дoбрoдeтeлта управуваат сo духoвниoт вид...

Митрополит Струмички Наум - Моќно превентивно или ризично куративно

Митрополит Струмички Наум - Моќно превентивно или ризично куративно

Бог е совршен, и како совршен, сѐ што прави – прави совршено. Кога Бог го направи човекот, всушност, направи бог – иако не по природа. Направи човекобог, кој треба да...

Жарко Ѓорѓиевски - Недела на преподобна Марија Египетска

Жарко Ѓорѓиевски - Недела на преподобна Марија Египетска

Телесните слабости постојано не вовлекуваат во нешта кои се сосема спротивни од патот на духовното совршенство. Телесните искушенија можат да не насочат кон пороци и кон секакво зло, а единствен...

Митрополит Струмички Наум: „Учителка“

Митрополит Струмички Наум: „Учителка“

Ајде повторно и оваа година – како во годините наназад, на Нејзиниот ден, да го обновиме нашиот подвиг – молитвеното правило „Богородице Дево...“ Оваа молитва, за нас раслабените, е последна...

БEСEДА за сeмoќта на збoрoт Бoжји

БEСEДА за сeмoќта на збoрoт Бoжји

Нo пoстoи рeд и начин пoмeѓу тваритe, видлив и дoстапeн за нас луѓeтo, а пoстoи рeд и начин нeвидлив и нeдoстапeн. Спoрeд тoј нeвидлив и нeдoстапeн рeд и начин, кoј...

Празникот Благовештение – првиот цвет на Пасхата

Празникот Благовештение – првиот цвет на Пасхата

Ете она што дојде да нѐ повика, сега ни се јави: Бог надумно се соединува со луѓето; со гласот на Архангелот прелеста се изгонува, а Дева радост прима; небото слегува...

Викарен Епископ Стобиски г. Јаков: Жртвена прегратка (31.03.2019)

Викарен Епископ Стобиски г. Јаков: Жртвена прегратка (31.03.2019)

Ако ги приклониме колената, а во срцето свое, во вистинскиот храм во кој Бог се вселува, не го поставиме Крстот, сме го промашиле суштинското значење на празникот, затоа што тоа...

О. Жарко Ѓорѓиевски ✥ Недела Крстопоклона (III Недела на Великиот Пост) ✥ 31.03.2019

О. Жарко Ѓорѓиевски ✥ Недела Крстопоклона (III Недела на Великиот Пост) ✥ 31.03.2019

Според својата слободна волја човекот паднал во грев, па затоа и според својата слободна волја треба да се лекува и на крајот излечи од гревот и смртта. Бог не ги...

« »