логоFacebookTwitterYouTubeeMail

 

24 јуни/7 јули 2018 лето Господово

    Сподели на
    Фејсбук
    Твитер
      Гугл+

Слово на Неговото Високопреосвештенство, Митрополит г. Тимотеј, изговорено на Светата Литургија, на споменот на Рождеството на Свети Јован Претеча и Крстител

 

 

Во името на Отецот и Синот и Св. Дух.

Драги браќа и сестри,

Се исполнуваат пророчките зборови! Господ ги подготвува луѓето, ја подготвува природата, го подготвува видливиот и невидливиот свет за доаѓањето на Месијата, односно, за доаѓањето на Спасителот на светот. За да Му подготви пат на Спасителот, Он го испраќа Претечата Јован Крстител. Гледаме каков подвиг му претстои на Претечата во подготовката на Израилскиот народ, за дочекувањето на Господа Христа. Во кратки црти, да се навратиме на ова историско собитие.

Од Библијата познато ни е дека кај Еврејскиот народ, секој брак кој не бил удостоен со пород, бил презиран од луѓето и истите ги сметале за големи престапници и грешници, односно, како отстапници од Божјиот закон. Родителите на св. Јован Претеча, Захариј и Елисавета, и покрај тоа што биле ревносни исполнители на законот Божји, сепак, дочекале длабока старост без пород. И покрај тоа што веќе биле во одминати години, надежта во Бога, надежта дека нивната молитва ќе биде услишана, особено кај Елисавета, никогаш не ги напуштила. Таа постојано Му се молела на Бога, да ја симне од неа презреноста од луѓето и да биде удостоена со пород.

Во Евангелието се вели: „И обајцата беа праведни пред Бога, постапувајќи според сите заповеди и повелби Господови без погрешка“ (Лк 1, 6). Овие двајца праведници живееле со желба за избавување на гревовите, со чувство на покајание, со вера и надеж во Месијата, за Кого, искрено очекувале да дојде. Очекувале да дојде Искупителот на родот Израилски и на севкупниот човечки род. Во Стариот и Новиот завет ќе најдеме многу такви прозби, каде што Бог ја наклонува Својата милост кон оние кои усилно молеле и барале, и Бог ги услишувал нивните молитви, исполнувајќи ги нивните барања. Доколку човекот бара со усилна и искрена молитва, пројавувајќи ги молењата со пост и бденија, Господ никогаш не го оттргнува Своето уво од таквите молитви. Напротив, Он секогаш гледа од небесните височини на тие луѓе и им испраќа сè што им е потребно и неопходно. Ова најдобро се покажува и во денешниот кондак, каде што се вели: „Порано неплодната, денес го раѓа Христовиот претеча. Се јави пророкот на Божјото слово… истовремено проповедник и претеча“.

Од Светото писмо знаеме дека таткото на св. Јован, Захариј, бил свештеник во Ерусалимскиот храм. За време кадењето во најсветиот дел од храмот – Свјатаја свјатих, Захариј имал видение, односно, му се јавил архангелот Гаврил и му кажал дека жена му ќе роди син, кој ќе го приготви патот на Христа Спасителот. Захариј се посомневал во овие зборови и бил казнет со онемување и така останал сè до моментот кога ќе му се роди син. Кога на осмиот ден ќе го прашаат кое име да му го дадат, тој ќе побара штичка и ќе напише: „Јован му е името“ (Лк 1, 63). Тогаш, ќе му се одврзе јазикот и почнал да Го прославува Бога.

Можеби некој ќе постави прашање, зошто било потребно, Претечата на Месијата да се роди од престари родители? Тоа било потребно за да ги приготви луѓето, преку неплодната мајка да го видат раѓањето на Спасителот од Дева Марија. Во пророчкото наговестување, Захариј, преку раѓањето на неговиот син, јасно наговестува за вооплотувањето на Месијата. Веќе настапува време кога ќе се исполнат сите ветувања на Израилскиот народ.

По раѓањето на св. Јован, Захариј ќе биде убиен во Ерусалимскиот храм, а Јован, како дете, ќе биде однесен во пустината од страна на неговата мајка, којашто набрзо ќе почине. Јован ќе расте во пустината, но благодатта Божја ќе биде врз него и ќе постане посилен од било кое родено суштество. По триесеттата година, ќе почне да ја извршува својата пророчка мисија и ќе го повика Израилскиот народ на покајание, покажувајќи Го Јагнето Божјо, Господа Христа, Кој ги зема гревовите на светот.

И ние денеска, кои го чествуваме неговото рождество, да му се обратиме со искрена молитва. Да не нè заборави, сиромашните и бедни по дух, пред Престолот на Севишниот. Да ја засведочи нашата вера и преданост кон Нашиот Спасител Христос, како негови духовни чеда, но грешни и недостојни слуги. Да нè научи на покајание и поправање на нашиот живот и да ни помогне на патот на покајанието, спасително поминувајќи од земјата на небото.

По молитвите на св. Јован, така нека биде. Амин!

Извор: https://bigorski.org.mk/slova/pouchni/slovo-na-mitropolit-g-timotej-za-rozhdestvoto-na-sveti-jovan-krstitel/

 

 

 

 

 

 

 



Поуки од Светите Отци

krusevoexport

Духовност

Декември 09, 2019
7.Vselenski.sobor

Почитување на Пресветата Мајка Божја

Таа е заштитничка и покров на христијанскиот род. Како Мајка на Синот Божји, таа има најголема слобода и моќ пред престолот Божји, и нејзе Црквата, по Бога, најмногу ја почитува и прославува во своите безброј молитви и химни, како најсилна заштитничка и…
Декември 05, 2019
7.Vselenski.sobor

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората категорија.Догматиката е многу…

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот,…

Свети великомаченик Димитриј Солунски

Ное 09, 2019 Житија 144
st-demetrius
Благочестивиот Димитриј пред царевите ги поставил Божјите заповеди. Го возљубил Господ…

Митрополит Струмички Наум-Царството небесно прилега... на простување (19.08.2017 )

Ное 07, 2019 Беседи 347
7.Vselenski.sobor
Честопати и мене ме прашуваат зошто примам или им помагам на луѓе за кои мнозина од…

Беседи

БEСEДА за сoвршeниoт чoвeк

БEСEДА за сoвршeниoт чoвeк

Eдинствoтo на вeрата, браќа, и пoзнавањeтo на Синoт Бoжји, Гoспoда Исуса Христа Спаситeлoт, сoeдинува двајца луѓe вo eдeн чoвeк, илјада луѓe вo eдeн чoвeк и мнoгу милиoни луѓe вo eдeн...

Митрополит Струмички Наум: ВОВЕДЕНСКИ РАЗМИСЛУВАЊА

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората...

Арх.Партениј Бигорски: За разумноста и безумието

Арх.Партениј Бигорски: За разумноста и безумието

Следствено, грев е човек да биде острастен кон материјалните нешта, кон земните блага, кои се минливи и му се дадени на човека да му послужат за добро, а не тој...

митр. Павел Сисанијски: Сите за еден

митр. Павел Сисанијски: Сите за еден

 Бог Го покажа Своето човекољубие не со евтини слова, но со принесувањето на Својот Син. Христос се појави во светот, со низа конкретни дела на љубовта. Првото дело е наклонетоста...

Митрополит Струмички г. Наум: Познанието на Бог е едноставно својство на просветлениот ум

Митрополит Струмички г. Наум: Познанието на Бог е едноставно својство на просветлениот ум

Посебно по воплотувањето Христово и Неговиот Домострој на нашето спасение, ѓаволот станува како играчка со која малите деца си играат (свети Атанасиј Велики) или како спаринг-партнер за оние што се...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Арх. Јован Крестјанкин - Да ги оживееме срцата  поради Бог !

Арх. Јован Крестјанкин - Да ги оживееме срцата поради Бог !

Денес, драги мои пријатели, поученоста од животот на старозаветните праведници ме наведува со вас да зборувам за верата. Имено, нивната големина е одредена само со верата, точно живата и дејствителна...

Викарен Епископ Јаков Стобиски:  „Епископот седи на место и во обличје Христово“

Викарен Епископ Јаков Стобиски: „Епископот седи на место и во обличје Христово“

 Епископот не станува Епископ поради некаква своја заслуга, туку исклучиво по благоволение Божјо, во послушание кон Светиот Архиерејски Синод, поради молитвите, и најважно од сѐ, заради потребите на Црквата. Затоа,...

Митрополит Струмички Наум: Самооправдувањето е одрекување од Богочовекот Христос како наш урнек...

Митрополит Струмички Наум: Самооправдувањето е одрекување од Богочовекот Христос како наш урнек...

 Страшна е потребата на човекот да се самооправдува; за мене, дури најпогубната појава од сите гревовни појави во човековиот душевен и ментален свет. Самооправдувањето е главна карактеристика на паднатиот човек,...

« »