логоFacebookTwitterYouTubeeMail

 

Беседа на г. Јосиф, митрополит Тетовско-гостиварски за празникот
Свети Николај Чудотворец, архиепископ Мирликиски


Правило на верата


Во името на Отецот и Синот и Светиот Дух!

Да не знае твојата лева рака што прави десната…
(Матеј 6,3)

Драги браќа и сестри,
Денес се наоѓаме во храмот посветен на светителот – за чиј спомен си спомнува Светата Црква, се наоѓаме во храмот на светиот Николај Мирликиски, чудотворец, голем светител, чиј што живот и дела биле и се нагледно правило за вистинската вера на Црквата. Дојдовте во толку голем број да му ја одадете заслужената почит на Мириликискиот архипастир, кој бил и пример на кротоста и на смиреноста, но особено бил пример како треба да се прават добрини, поради што христијанската Црква во неговото лице ни дава највозвишен пример на милосрдие и добртворство.
Од неговото житие дознаваме дека овој славен светител, кого што денес го слават по сиот свет, бил син единец на  угледните родители Теофан и Нона, жители на градот Патара во Ликија. Бидејќи им бил син единец даруван од Бога, тие Му го посветиле на Бога, принесувајќи Му така дар. Знаењето за духовниот живот свети Николај го стекна преку својот чичко Николај, епископот Патарски, и се замонашил во манастирот „Новиот Сион“, основан од неговиот чичко. По смртта на родителите Николај им го раздал наследениот имот на сиромасите и ништо не задржал за себе. Додека бил свештеник во Патара тој многу се прочул со делата на својата милостиња, иако ги криел грижливо, за да го исполни зборот Господов: „Да не знае твојата лева рака што прави твојата десна рака“ (Матеј 6,3). Кога се предал на самотност и на безмолвие, мислејќи така да проживее до смртта, му дошол глас одозгора: „Појди на подвиг меѓу народот, ако сакаш да бидеш од Мене овенчан.“ Веднаш потоа според чудесната Божја Промисла бил избран за епископ на градот Мир во Ликија. Милостив, мудар, неустрашлив свети Никола му бил вистински добар пастир на своето стадо. За време на гонењето на христијаните под Диоклецијан и Максимијан го фрлиле во затвор, но тој и во затворот ги поучувал луѓето на законот Божји. Присуствувал на Првиот Вселенски Собор во Никеја и од голема ревност за вистината го удрил еретикот Ариј. За ова дело го отстраниле од Соборот и од архиерејската служба, сѐ додека на неколкумина од првите архиереи на Соборот не им се јавиле Самиот Господ Христос и Пресвета Богородица и не го објавиле своето благоволение кон Николај. Чувар на Божествената вистина, овој чудесен Божји светител бил и одважен заштитник на правдата меѓу луѓето. На двапати спасил по тројца луѓе од незаслужена смртна казна. Милостив, вистинољубив и праведен, одел меѓу луѓето небаре ангел Божји. Уште за време на животот луѓето го сметале за светител и го повикувале на помош во маки и неволји и им се јавувал во сон и на јаве на тие што го повикувале, еднакво лесно дали се блиску или далеку, и им помагал. Од неговото лице блескала светлина како од лицето Мојсеево, па и со самата своја појава им носел на луѓето утеха, мир и добра волја. На старост малку се разболил и се упокоил во Господа, многустрадален и многуплоден, за вечно да се весели во Небесното Царство продолжувајќи да чудотвори на земјата, помагајќи им на верните и прославувајќи Го својот Бог. Се упокоил на 6 декември 343 година.

 

Почитувани верници,
    Од неговото житие можеме да видиме дека неговиот живот бил како море од добродетели, стихија од добри дела. Тој бил и останува, според своите добри дела, вистински одбран сад на љубовта кон Бога и ближните. Свети Никола, иако не бил учен човек, сепак со своето просветено срце и ум, успеал да стане правило на верата, бидејќи низ целиот свој живот сведочел дека христијанската вера се познава според делата. Неговото милосрдие и добри дела биле израз на неговата вера. Низ целиот свој живот правел добри дела. Тој на разни начини, во повеќе наврати и ситуации сето свое земно богатство им го разделил на сиромасите, сираците и страдалниците. Се залагал и за затворениците и заробениците, за невините, за гладните и изнемоштените, за очајните мајки и вдовиците, спасувал и  благочестиви семејства. Едноставно со целиот свој живот и дела не поучува како да се залагаме за невините и како да ги заштитуваме честа и правдата.
Благочестиви христијани,
Денес се чуствувам повикан и морам да кажам, инспириран од денешниот празник –дека во овие тешки животни премрежја би било добро да се потрудиме колку што можеме повеќе да се поучуваме од животот и од делата на светиот Никола и да го подржаваме и следиме неговиот пример. Но како да го подржаваме и следиме неговиот пример? – Преку правење добри дела и милостиња. Нажалост денес како да забораваме да правиме добри дела, особено забораваме да дадеме милостиња. Времето во кое живееме е време на владеење на егоизмот и среброљубието во невидени досега размери. Лакомоста по светските богатства, скржавоста се пороци за секоја осуда. Не треба да забораваме дека нашето спасение е во добрите дела! Затоа треба да ги цениме добрите дела и милостињата и да се бориме против  многуте пороци, кои не одалечуваат и од Бога и од луѓето, како што се: лакомоста, себичноста, скржавоста, похотта и страста кон матријални добра и светска слава. Да не бидеме како неразумниот богат човек од евангелието, туку да знаете и во вашата свест да се вреже дека богатството се дава не поради спокојство во земниот живот, туку пред сè за правење добри дела, за на душата да и се обезбеди вечен живот.
Денес многумина знаат својата скржавост да ја оправдаат со штедливоста или економичноста. Не треба да се меша штедливоста со скржавоста. Штедливоста е благословена добродетел, а скржавоста е порок. Меѓутоа, има луѓе кои со својата прекумерна штедливост придобија големи богатства, па потоа и таа добродетел ја претворија во порок. Честопати богатите патат од порокот на скржавоста, па како резултат на тоа во сегашноста сме соочени и со социјална неправда, со искористувањето на човековата работна рака. Имаме многу примери кога луѓето работат вредно, а нивниот труд не е воопшто награден, па дури им се скратува и месечната награда неоопходна за живот. Богатството создадено со чесна работа не е за осудување, но кога ќе се појави скржавоста – таа го осквернува. Сега на ум ми дојде една потполно точна мисла од еден познат мислител, која како поука ќе ја споделам со вас: Богатите мораат да живеат едноставно, за сиромашните едноставно да можат да живеат.
Исто така, во фокусот на нашето време е феноменот на незадоволството и се почестата појава на депресија, па многумина од нас се сведоци и на тоа, дека и покрај се подобрата матријална состојба, бараната среќа и благосостојба не доааѓаат, а напротив, животот станува се потежок и потежок, несреќите се почести и поголеми.


Сите овие пороци се јавуваат како резултат на последицата од ладењето и од одалечувањето од верата, од заборавањето на задгробниот живот, како и од губењето на љубовта. Затоа да се покаеме и да ја зајкниме нашата вера, за која да се сочува чиста се борел и светиот Никола. Да го очистиме нашето срце и да го просветлиме нашиот ум, та обожени да поживееме богоугоден живот, правејќи добри дела и милостињи. Тоа да биде наш секојдневен подвиг. Погледнете околу себе, има толку неволји и несреќи, толку солзи и молби, толку сиромаштија и незадоволени потреби на општ и поединечен план, матријални и морални. Сето тоа отвора широк и добар пат на милостните христијански срца за добротворни акции, за придобивање небесни богатства. Насекаде околу нас, можеме да го пресретнеме „сиромашниот Лазар“, кој и нас не моли за трошка леб. Во тие мигови ние треба да се сетиме колку големи суми и средства се расфрлаат за мода, тутун, пиво, разни штетни пијалоци итн. Ако само еден мал дел од тие средства би го употребиле за помош на сиромасите, сираците и страдалниците, радоста околу нас би била поголема. Да штедиме и правиме добрини - само на таков начин штедливоста е оправдана и вистинска добродетел. Да ги имаме постојано во глава и следниве зборови на христијанскиот подвижник: „Прави добрина, одбегнувај го злото и ќе се спасиш“, јас само би дополнил со Христовите зборови: „Одете и правете така“.
Во овој милостив и спасителен подвиг за наш пример, постојано да го имаме правилото на верата големиот светител, свети Никола, кој целото свое земно богатство го разделил. Ние денес, свечено славејќи го неговиот свет спомен, него го молиме да ни помага во собирањето на неопходните небесни богатства, а Бог на мирот, Кој преку крвта на вечниот завет Го воздигна од мртвите големиот пастир на овците – нашиот Господ Исус Христос, нека ве усоврши во секое добро дело, за да ја исполните Неговата волја, вршејќи го во вас она, што Му е Нему благоугодно, преку Исуса Христа, Нему слава во веки веков. Амин! (Евреи 13, 20-21).


Нека е за многу години денешниот празник, а на сите оние кои го празнуваат свети Никола како свој заштитник, нека им е вечна славата!

 

19- ти декември 2017 лето Господово


Add comment

Security code
Refresh


Видео содржини

Верата на нашите татковци - Евхаристија

Авг 04, 2018
Верата на нашите татковци Тема: Евхаристија - Света Причест 11.03.2018

Во продажба е новиот број на Премин 127/128

Јун 05, 2018
„И сега, убеден сум дека тој на небото принесува жртва за нас и се моли за сиот народ (иако нѐ остави, сосема не нѐ напушти), а јас – Григориј, полумртов, полуосакатен, оттргнат од великото…

Поуки од Светите Отци

krusevoexport

Духовност

Февруари 17, 2018
sv.efrem.sirin2.jpg

СВЕТИ ЕФРЕМ СИРИН - Псалм 11 4

СВЕТИ ЕФРЕМ СИРИН Псалм 11. Нема да се справам со себеси и со ѓаволот – Ти Господи, помогни ми! Никој не може да ја излекува мојата болест, освен Оној, Кој ги познава длабочините на срцето. Колку пати си поставувам растојанија и подигам прегради помеѓу себе и…
Јануари 27, 2018

о. Горан Стојчевски „БОЛНИТЕ ИСЦЕЛИ ГИ ЛЕКАРУ НА ДУШИТЕ И ТЕЛАТА“

о. Горан Стојчевски„БОЛНИТЕ ИСЦЕЛИ ГИ ЛЕКАРУ НА ДУШИТЕ И ТЕЛАТА“,,… Кој ја преминува Канавката со молитва и 150 пати ја споменува Богородица, нему тука му е се: и Атон, и Ерусалим, и Киев!‘‘Св. Серафим Саровски „Умствената молитва е опитна потврда за…

Јеромонах Методиј Зинковскиј: Св. Стилијан – Светилник Христов и покровител на децата

Во името на Отецот и Синот и Светиот Дух, Драги браќа и сестри, ве по здравувам со…

Излегоа од печат „Житијата на Светиите“ за месец септември

Ное 16, 2017 Полезно и Потребно 1349
Во издание на црквата посветена на св.Григориј Палама и св. Димитриј Мироточив во…

Македонски преродбеник Теодосиј Синаитски

Окт 31, 2017 Друго од духовност 1122
Теодосиј Синаитски бил македонски [1][2] преродбеник. Тој е роден во Дојран во втората…

Беседи

БEСEДА Цeлата глава ви e вo рани, и цeлoтo срцe ви e изнeмoштeнo (Иса. 1:5).

БEСEДА Цeлата глава ви e вo рани, и цeлoтo срцe ви e изнeмoштeнo (Иса. 1:5).

И пoтпадналe вo бeзизлeзeн мрак на идoлoпoклoничкитe заблуди. А oд лудoриитe на главата срцeтo изнeмoштeлo. Срцeтo пoтeшкo сe oддвoјува oд Бoга oткoлку главата; нарoдoт пoтeшкo сe oддвoјува oд Бoга oткoлку...

БEСEДА за нeблагoдарнoста штo нe e видeна и мeѓу живoтнитe

БEСEДА за нeблагoдарнoста штo нe e видeна и мeѓу живoтнитe

Кoга вoлoт, кoјштo нe збoрува, знаe кoј му e гoспoдар и кoга магарeтo знаe чии сe јаслитe oд кoи сe храни, какo чoвeкoт кoј збoрува да нe знаe за Бoга,...

Свети Јован Златоуст: Ве преколнувам...

Свети Јован Златоуст: Ве преколнувам...

Ве преколнувам, значи, да не ги оддалечувате своите срца од Господ, туку да стражарите над нив и да ги чувате, сеќавајќи се секогаш на нашиот Господ Исус Христос, додека Името...

БEСEДА за лажнитe учитeли

БEСEДА за лажнитe учитeли

Нo, акo знаeтe, и, акo нe знаeтe, впeрeтe гo свoјoт ум кoн Гoспoда, oградeтe сe сo знакoт на крстoт, пoвикајтe ја на пoмoш свeтата Прeчиста какo и Бoжјитe угoдници, а...

Јован Кумевски: ЗА  ДУХОВНОТО  СЛЕПИЛО

Јован Кумевски: ЗА ДУХОВНОТО СЛЕПИЛО

 Секој кој од Него ќе добие духовне вид, ќе појде по Него, и ќе Го прослави Бога. Затоа, да ја отфлиме од нашето срце гревовната напластеност, сета духовна нечистотија, а...

БEСEДА за тoа какo трeба да му сe радувамe на Христа

БEСEДА за тoа какo трeба да му сe радувамe на Христа

Нo зoштo, браќа, да сe радувамe на Христа? Затoа штo Oн ни ја oткри и ни ја пoкажа вистината за најгoлeмитe и најубавитe надeжи и сни на чoвeчкиoт рoд; ни...

Протоереј ставрофор Глигор Дамјановски: СВЕТИ БЕСРЕБРЕНИЦИ И ЧУДОТВОРЦИ КОЗМА И ДАМЈАН

Протоереј ставрофор Глигор Дамјановски: СВЕТИ БЕСРЕБРЕНИЦИ И ЧУДОТВОРЦИ КОЗМА И ДАМЈАН

 Бидејќи имале силна и непоколеблива вера, Божјата благодат делувала врз сите луѓе коишто им се обраќале за помош. Колку што лекувале со разните треви, толку повеќе Бог, поради нивниот свет...

БEСEДА  за свeтoста

БEСEДА за свeтoста

Свeтитeлoт e сoвршeн чoвeк, oнакoв какoв штo бил Адам вo Рајoт; или уштe пoдoбрo: oнакoв какoв штo бил Нoвиoт Адам, Гoспoд Исус Христoс. Oвoј e свeтитeл над свeтитeлитe, Oвoј e...

БEСEДА за висoкиoт заклoн

БEСEДА за висoкиoт заклoн

Нo има, браќа, eдeн пoтoп штo e пoлoш oд вoдeниoт пoтoп, а тoа e пoтoпoт на страститe. Кoга страститe ќe сe разгoрат, кoга ќe сe зачадат и зацрнат, кoга наoкoлу ќe...

« »

Најново од духовност

Православен календар

19/08/2018 - недела

Преображението на Господ Исус Христос на Тавор  

Богородичен пост (пост на масло и риба)

Правила и одредби на Православната Црква за постот
Православен календар за овој месец - МПЦ

Тропар

Тропар на Преображението на Господ нашиот Исус Христос 6 август /19 август 2018

Тропар на Преображението на Господ нашиот Исус Христос 6 август /19 август 2018

глас 7Христе Боже, си се преобразил на планината, покажувајќи им ја на Твоите ученици Твојата слава,колку што можеа (да видат).

Тропар на св. Христов маченик Евсигниј 5 август  / 18 август 2018

Тропар на св. Христов маченик Евсигниј 5 август / 18 август 2018

Велики Евсигние на земните цареви војниче,Бог те удостои да посведочиш за Неговата љубов према родот човечки,годините на земниот живот ти...

Тропар на светите седум Отроци 4 август / 17 август 2018

Тропар на светите седум Отроци 4 август / 17 август 2018

Големи чудеса на вератасе покажаа во пештерата која како царска одаја послужи на Светите седум Отроци,

Добредојде Православие.мк

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Последни коментари

Почаевско чудо

Ако некој се помоли од сето срце, тогаш Господ ќе му помогне и ќе го поправи и ќе продолжи по патот на вистината. Во една од посетите на Почаевска Лавра, јас станав сведок на прекрасно чудо, кога пред мои очи се исцели жена која педесет години не можеше да оди бидејќи имаше извиткани нозе. Повеќе...

Архимандрит Георгиј Капсанис

Личноста на архимандритот Георгиј ќе остане во вечно паметење во срцата на оние што го запознале, но генерално и во целата Православна Црква, затоа што преголеми се неговите заслуги за чистотата на верата и за автентичното живеење според неа..Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

Протоереј Андреј Ткачев: Примете, јадете

 

Во Рајот Господ им рекол на луѓето да не јадат од дрвото на познанието. А злиот лукавец велел – јадете. Христос вели „јадете“, „пијте од Неа сите“, а злиот говори: „не јадете“, „недостојни сте“, „потребно е долго и тешко да се подготвувате“. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Св.Јован Шангајски - БДЕНИЕ

 

Стојте цврсто на духовна стража, затоа што не знаете кога Бог ке ве повика кај Себе. Во вашиот земен живот бидете секогаш подготвени да му положите сметка. Внимавајте непријателот да не ве фати во неговата мрежа, да не ве измами и предизвика да паднете во искушение. Повеќе...

За Моето име

Взбранной Воеводе победительная