Моштите на св. Серафим Саровски, од Бигорската обител донесени во Скопје

Во предвечерието на  25 ден од првиот месец(стар стил) кога Црквата го празнува споменот на светиот Григориј Богослов и светиот Владимир Киевски, со благослов на Неговото Високопреосвештенство Митрополитот Поврдарски г.Агатангел во параклисот на Македонската Православна Богословија беа донесени моштите од  големиот светилник на Црквата светиот Серафим Саровски Чудотворец. Моштите од Бигорскиот манастир ги донесе о.Горан придружуван од група верници. Беше извршена и литија со светите мошти од дворот на богословијата до параклисот. Потоа беше отслужено повечерие со акатист кон преподобниот. 

06.02. 2010 год.- Бигорски  манастир

Ах, каква е неопислива Христовата љубов. Тој, Премилиот, е како најблескаво сонце кое штедро ги распростира своите нежни зраци на љубов и продирајќи и во најмрачните јами, ги лови скаменетите души што талкаат во темнината на гревот, ги стоплува и изведува од мрачното ропство. А светителите – тие се Негови огледала. Како мали стакленца кои, огреани од сончевите зраци, наеднаш ќе блеснат со необична убавина и сјај. Па, зрачејќи од топлина и љубов, во себе го одразуваат она бескрајно Христово човекољубие. Ете такво огледалце беше љубвеобилниот Саровски подвижник. Со својата љубов, која забораваше на себе, целиот се предаде на служба за своите заблудени браќа, трудејќи се неуморно да ги оживее, стопли, исцели и спаси студените и помрачени души. Неговото срце, отворено за сите што му притекнуваа во своите неволји, беше како раширена прегратка, благите и нежни зборови – како мелем што смирува и приближува кон Бога, а молитвата – неуморно застапништво за овој грешен свет.
 Затоа, неискажлива ни е радоста што овој миленик на Пресветата наша Владичица, Богородица, нè удостои со делче од неговите свети мошти и го благослови Бигорскиот свет манастир. Со тоа, ова мило старче ја благослови целата наша сакана татковина. Ја покри со својата молитва и љубов. И како што велат: љубовта раѓа љубов, нашиот благочестив, верен народ топло му возврати на големиот духовен светилник и украс на Саровската обител.

 Водени од огромна почит и љубов кон светителот, голем број на верници од Скопје, заедно со свештеникот Горан Тасевски, побараа благослов од игуменот на Бигорскиот манастир, архимандрит Партениј, да ги земат во Скопје моштите на Св. Серафим Саровски, па така да им овозможат на своите собраќа од овој град можност да се поклонат на светите мошти од овој голем Божји угодник и да го побараат неговото молитвено застапништво пред Бога за духовно просветување на оние кои сè уште не ја спознале големината на Божјото милосрдие и љубов.

 Испраќајќи ги достојно од својот манастир моштите на славниот руски подвижник, монасите и присутните верници во литија, проследена со торжествени химни и тропари, ги пренесоа до влезот на манастирот светите мошти, каде игуменот, о. Партениј му ги предаде моштите на о. Горан, придружувајќи ги кон нив и своите искрени молитви и желби, светителот, преку своите мошти да им ја излее на жителите на град Скопје својата огромна благодат и да ги разбуди духовно умртвените и заспаните во грев.

Скопје, 06.02.2010 г. -  Македонска Православна Богословија

 Моштите со големо торжество беа пречекани најпрво од учениците на Богословијата и со свечена литија пренесени до параклисот во рамките на Богословијата каде пред нив беше прочитано повечерие со Акатист кон светителот. Голема беше и видлива радоста на младите богослови и идни свештеници, што Саровскиот пустински крин го посети нивното училиште, ширејќи ја насекаде својата благопријатна духовна миризба. И навистина прекрасна беше глетката кога цветно – украсените свети мошти носени на рацете од свештеникот минуваа низ свечената поворка од ученици, додека громогласно одекнуваа византиските стихири во чест на светителот.
Радувај се Свети Серафиме, Саровски чудотворче! 

(Продолжува)

Известуваат:

-  учениците од МПБ

- сестрите од манастирот во Рајчица

 Друго:

Светите мошти на св. Серафим Саровски ќе пристигнат во Скопје на поклонение (05.02.2010)

---

сподели ја оваа објава

Коментари (15)

3. Пратено од Znatizheljan, на 07-02-2010 22:37 Nekoj da kazhe impresii od sluchuvanjeto, za nas koi ne prisustvuvavme na nastanot?

5. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 08-02-2010 09:37 ХРИСТОС ВОСКРЕСЕ, РАДОСТ МОЈА!

6. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 08-02-2010 12:11 O kakva radost se slucila vo Skopje nad Skopjani ,a so nivnite molitvi i vrz site nas Bozji ceda koi ziveeme vo ovaa napatena Tatkovina.Po molitvite na SV Serafim Sarovski ,Bog da ne poseti i da ni gi osvetli nasite skameneti srca i da ne spasi,a moe prasanje e dali so blagoslov na otec Partenij ke se prosetaat mostite na SV Serafim niz parohiite i vo drugite gradovi na nasata zemja za da ja pocustvuvame i nie taa radost i isceluvanje na nas gresnite.Hristos voskrese,radost moja

7. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 08-02-2010 12:34 Cuvstvoto ne se opishuva, samo se dozuvuva....))Preubavo beshe! Sestra Maja, svetite moshti na sv. Serafim Sarovski se naogjaat vo manastirot sv.Jovan Bigorski. Tie bea samo 2 dena na poklonenie vo Skopje i povtorno se vratija nazad!

9. Пратено од Veliche i Blagica-impresii od Sv.Spas Drachevo, на 08-02-2010 13:34 nemame zborovi da vi go opisheme chustvoto,definitivno toa samo se dozhivuva.Pregolema blagodat,proprateno so prekrasnoto peenje na decata od bogoslovija!!Hristos voskrese-radost moja

13. Пратено од л, на 08-02-2010 23:03

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
Код:*
	Сакам да бидам известен/а по email за коментарите на оваа објава