Скопје, 31 јануари (МИА) - Кинотеката на Македонија ќе ја почне Февруарската програма во вторник со проекција на филмот „Изгубени во преводот“ на Софија Копола од 2003 година, кој ќе биде прикажан и на 3 февруари.

На 4-ти и 5-ти на филмската програма е американскиот „Седум“ во режија на Дејвид Финчер, снимен во 1995 година, а на 6-ти и 7 февруари - францускиот филм „Пакт со волците“ на Криштоф Ганс од 2001 година.

Наредната седмица ќе бидат прикажани рускиот  „Армија колибри“ на Александра Лејманиса (1964) и американските филмови „Застрашувачки океан“ на Стивен Сомерс (1998),  „Детектив“, режиран од Гордон Даглас (1968) и „Вселенски војници“  на  Пол Верховен (1997).

Од 19-ти до 24 февруари Кинотеката организира „Недела на современ холандски филм“ во чии рамки ќе бидат прикажани пет играни филмови, еден доглометражен документарец и неколку кратки и анимирани. Најавени се насловите „Полска невеста“, „Еротски приказни“, „Црна книга“,  „Сина птица“, „Симон“   и документарниот „Кармен го сретнува Борат“.

На 25-ти и 26 февруари ќе биде прикажан рускиот филм „Ноќ над Чиле“ од 1977 година, а на 27-ми и 28 февруари - шведскиот филм „Човек на покривот“, снимен во 1976 година. хс/ 18:17

---

сподели ја оваа објава

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава