ДЕТЕТО ИСУС ВО ХРАМОТ

Исус растел, јакнел со духот и се исполнувал со премудрост, Божјата благодат била врз Него.
Неговите родители, секоја година за празникот Пасха оделе во Ерусалим. Кога Исус наполнил дванаесет години тие, исто така, според обичајот отишле во Ерусалим. По празникот, тие заедно со останатите поклоници тргнале да се вратат назад во својот дом. Меѓутоа, детето Исус останало во храмот. Јосиф и Марија не забележале веднаш дека Го нема. Цел ден патувале, мислејќи дека и Он патува со останатите. Вечерта почнале да го бараат Исуса помеѓу роднините и пријателите. Кога не Го пронашле многу се вознемириле, се вратиле во Ерусалим и таму ја продолжиле својата потрага. Го пронашле по три дена барање. Он седел во храмот со учителите и беседел со нив за Бога и за Неговите заповеди - им поставувал тешки прашања и одговарал на нив. Сите присутни се восхитувале и се воодушевувале на Негови¬от разум и на Неговите одговори. Пресвета Дева Му пришла и Му рекла: „Синко, што ни направи така? Ете, татко ти и јас се измачивме, барајќи те ". Исус и одговорил: „Што сте ме барале? Зар не знаете дека Јас треба да бидам во она, кое што е на Мојот Отец?" Тие не ги разбрале Неговите зборови, но Марија ги чувала во своето срце. После тоа' Исус се вратил со нив во Назарет, каде што, како и Јосиф, се занимавал со дрводелски (столар ски) занает. Растел како добар, разумен и послушен син, по ради што многу Го сакале и Бог и луѓето.

ИСКУШУВАЊЕТО НА ИСУСА ХРИСТА ВО ПУСТИНАТА

Непосредно по крштавањето, Светиот Дух го одвел Исуса во пустината за да ги победи ѓаволските искушенија или соблазните и за да ги научи луѓето да ги победуваат сопствените гревови и слабости. Исус постел четириесет денови и четириесет ноќи, и најпосле огладнел. Тогаш му пристапил искушувачот и му рекол: „Ако си Син Божји, кажи му на овој камен да стане леб".
Меѓутоа, Исус му одговорил:
„Напишано е дека не само со леб ќе живее човекот, туку и со секој збор Божји" (тоа значи дека прво треба да мислиме како (да ја нахраниме душата, а потоа телото; Бог, Кој со еден збор го создал светот, може да го нахрани и човекот во пустината).
Ѓаволот го одвел на една висока гора. Му ги покажал сите царства на светот и нивната слава, па му рекол: „Ако ми сепоклониш, сето тоа ќе биде Твое!“
„Бегај од Мене, сатано, оти е напишано: На Господа, твојот Бог, клањај Му се и само Нему служи Му!"
Тогаш, ѓаволот повторно го одвел во светиот град Ерусалим, го поставил на храмовиот покрив и му рекол:
„Ако си Син Божји, фрли се одовде долу! Зашто напишано е: На ангелите Свои ќе им заповеда за Тебе, да те запазат, и на раце ќе Те земат, да не би некако да ја сопнеш ногата Своја на камен".
„Кажано е: Не искушувај Го Господа, својот Бог" му одговорил Исус, што значи дека непотребно не треба да бараме од Бога да прави чуда и дека не треба да бидеме премногу самоуверени.
Тогаш ѓаволот, кој бил победен, побегнал од Него, а Божјите ангели пристапиле и Му служеле.

 Друго:

По повод Јубилејот 50 години од возобновувањето на Охридската Архиепископија во лицето на Македонската православна црва, Светиот архиерејски синод ја издаде книгата „ПРЕРАСКАЖАНО ЕВАНГЕЛИЕ ЗА ДЕЦА“,  во превод на ѓаконот Димче Азески.

Вие, деца, бидете им послушни народителите свои,
во името на Господ, зашто тоа е праведно.
„Почитувај ги својот татко и својата мајка!"
- тоа е првата заповед со ветување,
„За да ти биде добро, и даживееш долго на земјата."
И вие, татковците, не дразнете ги децата свои, туку
подигнувајте ги во воспитанието и науката на Господ.
(Ефес. 6,1-4)

„Оставете ги децата да доаѓаат кај Мене,
и не ги спречувајте,
зашто на таквите е царството Божјо!
Вистина ви велам:
кој нема да го прими царството Божјо како дете,
то ј нема да вдезе во него "

Извадок :

---

сподели ја оваа објава

Коментари (2)

1. Пратено од Тони, на 02-02-2010 01:38 Прераскажаното евангелие за деца е полн погодок. Прекрасно четиво за децата кои ги прават своите први чекори во Христовата Црква. Мојот син со задоволство го чита.

2. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 02-02-2010 21:38 Navistina i jas mnogu se izraduvav na ovaa kniga koja e nameneta za mladite.Sega ucat religija pa ja koristat kako ucebnik za da ja razberat hristijanskata vera.Mnogu e vazno decata od mala vozrast da se naucat da odat po praviot pat,pozdrav

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
Код:*
	Сакам да бидам известен/а по email за коментарите на оваа објава