Скопје, 27 јуни (МИА) - Од денеска до 6 јули во хотелот „Арка“ во Скопје ќе се одржува четвртата Меѓународна ликовна колонија „Скопје 2009“.

На годинашната колонија ќе учествуваат десет  домашни и странски уметници - Маја Џартовска - Хил, Томе Мишев, Вељо Ташовски, Бурхан Аџмети и Жаклина Глигориева - Кочоска, Фабиен Лид од Франција, Анка Крашна од Словенија, Ахмед Озел од Турција, Алдемар Ибрахимовиќ од Црна Гора и Славица Марин од Хрватска.

Традиционално, на колонијата учествуваат уметници од збратимените градови со Град Скопје, а годинава ќе бидат присутни и уметници од Истанбул и Дижон. Тие ќе работат во специјално подготвени простории за работа.

Колонијата претставува можност за воспоставување мостови на соработка и размена на уметниците од Скопје и Македонија со уметници од другите земји.

По завршувањето на колонијата ќе биде отпечатен каталог и ќе биде организирана изложба за време на одбележувањето на 13 Ноември - Денот на ослободувањето на Скопје.

Покровител на колонијата е Град Скопје, а техничката организација е на Музејот на Град Скопје во партнерство со хотелот „Арка“. бак/хс/ 9:13

---

сподели ја оваа објава

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
Код:*
	Сакам да бидам известен/а по email за коментарите на оваа објава