Во Центарот за култура „Григор Прличев“ во Охрид, вечерва во 20 часот свечено ќе биде отворен вториот Фестивал на француски филм. Фестивалот ќе го отворат министерката за култура Елизабета Канческа-Милевска и францускиот амбасадор во земјава Бернар Валеро. Следува проекција на филмот „Добредојде“, а ќе биде присутен режисерот Филип Лиоре. Филмот е приказна за Симон (Венсан Лендон), тренер по пливање, кој живее во Северна Франција. За да ја импресионира и повторно да ја освои својата сопруга ризикува и тајно му помага на еден курдски бегалец кој сака да го преплива Ла Манш. По проекцијата следува дебата меѓу публиката и режисерот.

Фестивалот ќе трае до 4 јули. Десет играни и шест кратки филма ќе се натпреваруваат во повеќе категории за наградата „Златна маска“. На фестивалот ќе гостуваат петмина режисери, тројца актери и осуммина продуценти од Франција. Ѕвезда на фестивалот ќе биде светски познатиот шансониер Шарл Азнавур, кој на 4 јули ќе настапи во Античкиот театар и ќе го затвори фестивалот. Нему ќе му биде врачена наградата „Златна маска“ за животно дело.

На секој фестивалски ден ќе има по две бесплатни проекции, од 19 и од 21 часот. За наградите ќе одлучува четиричлено жири - српскиот режисер Дарко Баиќ, македонскиот режисер Антонио Митриќески, актерката Лабина Митевска и филмскиот критичар Сунчица Уневска.

---

сподели ја оваа објава

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
Код:*
	Сакам да бидам известен/а по email за коментарите на оваа објава