„Постои лукавство, и тоа е гнасота“ (Сир. 19,20)

Лукавството настанува од лагата, а татко на лагата, како што тврди Светото Писмо, е самиот ѓавол. “ Со сите сили труди се да не изговараш едно со устата, а во срцето да имаш друго“, „ не воспоставувај пријателство со лукав човек“ – се вели во Отечникот кој го составил св. Игнатиј Брјанчанинов. Многу мисли кои го разобличуваат лукавството содржи и Стариот завет, а тоа сведочи за древно морално неприфаќање на овој порок. „Одфрли ја од себе лажливата уста и јазикот лукав да биде далеку од тебе“ или „Во лукава душа нема да влезе мудрост“, се вели во Бибилјата.
Лагата е туѓа на вистината, колку и да таа надворешно изгледа невина. Постои поим „света лага“, но и таа е само делумно оправдана заради слабоста и немоќта на оној кој ја изговара .( На пример кога лекарот на пациентот му вели дека неговата безнадежна здравствена состојба ќе се поправи) Лукавството е поврзано со подмуклоста, тоа е неискрено и лицемерно. Лукавиот човек се познава по очите, изразите на лицето, движењата, ститсокот на раката. „ Од таквите луѓе не е лесно да се тргнеш и да се спасиш од штетите кои тие ги нанесуваат, затоа што нивното лукавство е длабоко прикриено со маска на пријателството“ – учел св. Василиј Велики. „ Лукавото срце е корен и извор на гревот“ – разобличувал св. Симеон Нов Богослов.
Денес ни се добро познати лукавите зборови за Русија и благосостојбата на народот, зборови на оние кои правејќи си себе кариера се прикриваат со убави и патриотски фрази.
Но често и внатрешниот лукав глас пошепнува: „Земи, никој нема да те види“, „ Нејди си себе љубовник, па сите денес така живеат“, “Понуди мито на тој и тој, работите ќе ти тргнат“ и сл. А понекогаш човекот сакајќи да врши добро воопшто не го врши или кога ќе направи нешто од чисто срце и без користољубие, чувствува лукави помисли на гордост, желба за признание и сопствена корист.
„ Како што од горчливиот корен, и гранки и листовите и цветовите и плодовите се горчливи, така и од лукавиот човек и одењето и погледот и изгледот и работата се лукави“- пишувал св. Јован Златоуст.
Неопходно е во себе да одржуваме чисти мисли, без комбинаторики и пресметливост, мисли кои непосредно доагаат од срцето. „Лукавите помисли го одвојуваат човекот од Бога“ – нагласувал св. Нил Синајски.
Водете внатрешна војна дури и со најмалите појави на лагата, не само во големото, туку и во малото, дури и во најмалиот збор или во духовитоста тежнејте да ја избегнувате невистината. Да се мисли едно, зборува друго, а прави трето е девиза на политичарите и сплеткарошите, додека духовниот човек е целовит, чист и слободен од лагата, а тоа се одразува и во изразот на неговото лице, во отворенит, светол и искрен поглед, во мирниот искрен глас и праведните постапки. Да го искорнеме лукавството од себе!
Тематски мисли:
1. Лукавството е лага луѓето тешко ја препознават од одма. Лукавството се состои токму во тоа што нема јасен темел, а да се допре до дното, треба да се потроши многу сила и енергија,а понегош и време (еп. Јован Шаховски).
2. Тоа се нарекува лукавство затоа што создава мака и исцрпеност на оној кој му се предал(св. Јован Златоуст).
3. Душата на таквиот (лукавиот) човек секогаш е исполнета со тага, неговите мисли секогаш се невесели. (св. Јован Златоуст).

Подготви: дипл. теолог Александар Ивановски
(извадок од книгата „Терапија на душата според Светите Отци)

Друго:

• БОЛЕСТИТЕ НА ВОЛЈАТА, ХИПНОТИЗМОТ И ОПСЕДНАТОСТА
• ЕГОИЗАМ
• ДЕСЕТ ИДЕАЛНИ НИКОГАШ, НИКОМУ, НИКОГО 
• МИСЛИ ОД СВЕТИ ЈОВАН КРОНШТАДСКИ
• ДРСКОСТ 

---

сподели ја оваа објава

Коментари (8)

7. Пратено од z, на 12-08-2009 18:52 Inficirani sme so lagata, site, od 7 do 77.

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава