Skip to content
Премин Портал: Дома arrow Духовност arrow Беседи arrow Божествена Литургија во манастир на Св.Арх. Михаил (21.11.2008)
Божествена Литургија во манастир на Св.Арх. Михаил (21.11.2008) Испечати Е-пошта

 prilep.sluzba.jpg

Во осмиот ден од месец ноември, Светата Христова Православна Црква го празнува споменот на Соборот на Светиот Архангел Михаил и на сите небесни Сили. Овој празник на ангелите е востановен во времето на светите патријарси Силвестер папа Римски и Александар патријарх Александриски во деветтиот месец после Март, зашто се смета дека во Март било создавањето на светот, а празникот е востановен токму во деветтиот месец после март во чест на деветте ангелски чинови, кои први беа створени. Тие чинови се следните: шестокрилните Серафими, многуоките Херувими и богоносни Престоли, Господства, Сили и Власти, Начала, Архангели и Ангели. Архистратигот на небесните воинства во она време пред времето, кога Деницата се возгордеа и сакаше созданието да се издигне повисоко од Семоќниот, Невидливиот, Неиспитливиот, Неискажливиот, Всемилостивиот и Всесилен Бог и Создател, кога заедно со дотогаш најсветлиот ангел, паднаа во најтемната темнина, во мракот на поднебесието и третина од небесните ангели,  во она време пред сите времиња со силен глас извика Светиот небесен Архистратиг Михаил: “Вонмем! Станем добре станем со страхом!”, што значи со страв, со будност, со премудрост “да внимаваме, зашто се случува нешто што е неприлично на нашата природа, противно на Бога нашиот Творец од Кого е С# и во Кого е с#, Кој с# создаде преку Словото Негово и Кој с# оживотвори и исполни со Својот благ и животворен Свет Дух. И во тој момент сите ангелски сили со еден глас ја запејаа ангелската песна: “Свјат, Свјат, Свјат Господ Бог Саваот исполн небо и земља слави твоеја!!”
Меѓу ангелите владее совршено едномислие, еднодушие, љубов и послушание кон Светата волја Божија. Секој народ има свој ангел пазител и секој христијанин има свој ангел чувар. Од Светото Писмо и Светото предание на Православната Црква  ги дознаваме имињата на седуммината началници на ангелските сили: Св. Михаил, што значи кој е како Бог или кој е еднаков на Бога, Св. Гавриил – маж Божји или крепост Божја, Св. Рафаил – исцеление Божјо или Бог исцелител, Св. Урил – оган или светлост Божја, Св.Салатил – молитвеник Божји, Св. Јегудил – славител на Бога, Свети Варахил – благослов Божји, Св. Јеремил – возвишение Божјо, кој се споменува како осми ( ИИИ Ездра 4, 36), се почитива како поттикнувач на возвишените помисли, кои човекот го издигнуваат кон Бога.
Светиот Архангел Михаил се смета за чувар на верата православна и борец против верските ереси, додека пак Св.арх. Гавриил е благовестител на тајните Божји, особено на тајната на Боговоплотувањето.

 prilep.sluzba.jpg

 Заради великиот ангелски празник, денес во Богомспасаемиот македонски град Прилеп, во древниот манастир на Св.Арх. Михаил, мноштво верни пристапија уште од предвечерието на празникот, за да оддадат достојна и молитвена почит на  Светиот началник на војската небесна, испросувајќи милост, благодат, мир, благослов и закрила од светите бестелесни ангели за спасение на нашиот род христијански и за спасение на нашите души. На Великата Вечерна учество зедоа протопсалтот и професор Гоце Секулоски, професорот по источно – црковно пеење при МПБ “Св.Климент Охридски” Зоран Димовски и учениците од Богословијата. Денес на самиот празник беше отслужена празнична Утрена богослужба и Света Литургија, која се отслужи од отците при манастирот Св. Преображение  - с. Зрзе, а повторно на певницата беа учениците од Богословијата и протопсалтот Гоце Секулоски.

prilep.sluzba7.jpg prilep.sluzba8.jpg



Манастирот Св. арх. Михаил е изграден во подножјето на Марковите Кули и датира како христијанско светилиште уште од ранохристијанкиот период. Разрушуван, изградуван и обновуван повеќе пати во нашата македонска историја, манастирот ја делел судбината на својот народ, а денес со малата света монашка обител го озарува благочестивиот народ со светлината на Богопознанието. За неговото значење може да се пишува многу и доколку христољубивите браќа и сестри кои го посетуваат ПРЕМИНПОРТАЛ изразат желба, ќе направиме посебна репортажа за овој древен манастир.

По молитвите  Светиот Архистратиг Михаил и на сите бестелесни сили небесни, Господи Иисусе Христе помилуј и спаси ги нашите души, Амин.

 prilep.sluzba.jpg

 prilep.sluzba.jpg

 prilep.sluzba.jpg

prilep.sluzba7.jpg prilep.sluzba8.jpg

 За ПреминПортал, од Прилеп,

известува: Г.С.

Посети:




  Коментари (7)
1. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 22-11-2008 09:28
Neka ni e cestit praznikot "Sobor na sv. arh. Mihail". Cestitki za prekrasnite bogosluzbi vo manastirot vo Prilep za manastirskiot praznik. Cestitki do Goce Sekuloski i do noviot profesor vo MPB - Zoran Dimovski (konecno i nego da go vidime na PreminPortal-ot) ;) , i cestitki do ucenicite od MPB za nivnoto peenje. Pozdrav do PreminPortal i neka ima poveke informacii za noviot profesor Zoran Dimovski, ako moze.  
NA MNOGAJA LETA REDAKCIO!!!
2. Пратено од ., на 22-11-2008 17:31
Ve molam dokolku imate moznost da napravite reportaza od manastirot,i da ni prenesete del od peenjeto-Blagodaram
3. Пратено од крчовски, на 22-11-2008 21:27
Golem pozdrav do voznovitelot na makedonskoto crkovno peenje protopsaltot Georgij.
4. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 22-11-2008 22:46
Bravo. Mnogu impresivno. Pozdrav od La Garaz. Pozdrav do Bogoslovot Alexandar. Neka ni e chestit praznikot Sv. Arhangel Mihail.
5. Пратено од Kliment Naumovski, на 23-11-2008 11:38
Samo da ne sme vo zabluda pocituvan krcovski i drugite citateli na PreminpPortal!...Goce ne e vozobnovitelot na istocno - crkovnoto peenje bidejki toa peenje vo nekoi mesta niz Makedonija kako: Strumica, Bitola i osobeno Smojmirovo (kade sto duri i vo vremeto na Jugoslavija rabotela skola za psalti koja ja rakovodel Andon Sahpaski - eden nas malku poznat kompozitor na istocno - crkovno peenje) se neguva uste mnogu poodamna od toa sto zapocna Goce da raboti so toa peenje, a imeno uste od sredinata na '90-tite (potocno 1995-1996). Ako togas vo Skopje ne znaele deka imame eden drug vid na peenje - mnogu poubav i postar od Mokranjcevoto, toa ne znaci deka na drugi mesta niz Makedonija ne se neguvalo istocno - crkovnoto peenje na bogosluzbite vo hramovite na MPC. Goce dade i dava samo eden pridones za razvivanje na ova nase peenje (sto e dobro), zaedno so drugite psalti niz Makedonija. Pozdrav do redakcijata na Premin i do site psalti vo Makedonija.
6. Пратено од Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете , на 24-11-2008 13:44
Gospod Isus Hristos neka mu podari mnogoletie na protopsaltot i profesorot goce i na negovite ucenici sto se trudat da mu dadat pogolema tozestvenos na svetata liturgija so nivnoto peenje sto i nije vo Resen imavme prilika toa da go osetimie na nekolku bdeenja .Na mnogaja leta
7. Пратено од Чичко Панајоти, на 25-11-2008 15:04
Поздрав до двајцата псалти Зоран и Георгиј! Се надевам скоро пак да запееме заедно!

Внеси коментар
  • Ве молиме внесениот коментар нека се однесува на објавата.
  • Коментарите со лични вербални напади нема да бидат објавени.
  • Не користите коментари за рекламирање на вашата страна. Истите ќе бидат избришани.
  • Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:Web AddressEmail AddressBold TextItalic TextUnderlined TextQuoteCodeOpen ListList ItemClose List
Коментар:



Код:* Code
Сакам да бидам известен/а по email за коментарите на оваа објава

 
Оцена од корисниците: / број на гласови: 7
од 1 до 5  
< Претходно   Следно >
Advertisement

МАНАСТИР УСПЕНИЕ НА ПРЕСВЕТА БОГОРОДИЦА - МАТКА

Online разговори

Последни коментари

Известување (27.10.2014)
Прости, бевме ...
31/10/14 00:30 Повеќе...
Од до Јоаким

Празничниот Валаамски хор, во Македонија (26.10.2014)
Ова е скапоце...
30/10/14 12:40 Повеќе...
Од Трогнат

Свештенството и хомосексуалноста
Само кога би м...
30/10/14 11:31 Повеќе...
Од Перо

Празничниот Валаамски хор, во Македонија (26.10.2014)
Прекрасни гос...
30/10/14 09:32 Повеќе...
Од Евросија

Како Бог нè казнува (26.10.2014)
- Prekrasno!Blagodaram! ...
29/10/14 21:32 Повеќе...
Од poklonicka

Свјат, Свјат, Свјат

Фотопрезентација - МОЈА ВИЗУРА

НАГРАДЕНИ УЧЕСНИЦИ