Охрид, 5 октомври (МИА) - Членовите на Архиепископиот црковно-народен собор  вчеравечер во манастирискиот комплекс Калишта кај Струга едногласно одлучија точката од дневниот ред која се однесува на предлогот за измени и дополнување на Уставот на МПЦ да се одложи и да се разгледува на следниот црковно-народен собор.

Истовремено од јубилејниот собор на ова највисоко црковно управно и законодавно тело на МПЦ упатен е апел до државниот врв за национално единство и единствен пристап во врска со прашањето околу разговорите за името со цел сите сили да се насочат кон запазување на националиот и духовен идентитет на македонскиот народ.

Со тоа се потврдува ставот од резолуцијата на Архиепископиот црковно-народен собор  од 2005 година за зачувување на уставното име на Македонија.

Членовите на Соборот изразуваат благодарност до Владата за воведување веронаука во редовниот образовен систем како и за долгоочекуваната државна акредитација на Богословскиот факултет „Св. Климент Охридски“ во Скопје. Истовремено, правосвештенството на МПЦ, според текстот на резолуцијата, бара и интензивирање на процесот на денационализација и враќање на имотите на црквите и манастирите на МПЦ.

Архиепископиот црковно-народен собор синоќа одржа Свечена академија по повод 50-годишнината од возобновувањето на Охридската Архиепископија во лицето на МПЦ.

Во рамките на Архиепископскиот црковно-народен собор во катедралната црква на Света Софија денеска се одржа Света Архиерејска Литургија со која чиноначалствуваше Архиепископот Охридски и Македонски г. г. Стефан во сослужение со сите архиереи на МПЦ.

Посети: 643

Коментари (3)

2. Пратено од Trpe i Stojan, на 07-10-2008 10:40 Ubavo e,a shto ako ne sluzhi??? Nema vekje da bide ubavo???

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава