Премиерот Никола Груевски по повод празникот Успение на Пресвета Богородица до поглаварот на Македонската Православна Црква, Архиепископот Охридски и Македонски господин господин Стефан и до сите православни верници упати честитка со желби во добро здравје, хармонија и среќа да ги минат празничните мигови.

- Денешниот ден го празнуваме како соединување на земското со небесното, како ден на радосното преселување на Божјата Мајка на небото и средбата со Нејзиниот Син Исус Христос. Славејќи го Нејзиното успение се сеќаваме на благословената Дева Марија, Мајката Која по Божја волја и Своја согласност Го родила Божјиот Син, Го воспитувала и растела вечно живиот Христос. Нејзиното Успение е сведоштво за тоа дека е меѓу нас и дека е жива Нејзината мајчинска грижа кон сите нас. Нејзината љубов заедно со Светиот Дух, не учи за почитта во семејството и го просветува и облагородува животот на милиони луѓе во светот, се вели во честитката.

- Пресвета Богородица е најдостоинствената, највеличествената и најмилостивата мајка на светот, мајка на сите христијани, заштитничка на домот и семејството. Чествувајќи го денешниот празник, да се потсетиме на Нејзината неизмерна мајчинска грижа и љубов и истата да ја споделиме со нашите најблиски, но истовремено да покажеме повеќе грижа кон обесправените и напуштените, особено кон децата, кои се почесто стануваат предмет на злоупотреби од страна на возрасните, стои во честитката од премиерот Никола Груевски.

Извор: ТВ Сител  

 Посети:546

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава