Премин Портал

Премин Портал: Дома

Духовност

Православни Цркви во светот

Цариградскиот Патријарх Вартоломеј и Рускиот Патријарх Алексиј одговорија на новинарските прашања

(28.07.2008)

Во недела на 27 јули во Киевската митрополија разговараа Неговата Светост Патријархот Цариградскиот Вартоломеј и Неговата Светост Патријархот Московски и на цела Русија Алексиј. После разговорот двајцата одговорија на прашањата на новинарите.

“Благодарение на ова патување имавме можност да сослужуваме со возљубениот собрат Неговата Светост Патријархот Алексиј и со Поглаварите на другите Помесни Православни Цркви’’ – изјави Патријархот Вартоломеј нагласувајќи дека е секогаш полезно да се води ваков дијалог. Според зборовите на Поглаварот на Цариградската Црква, сите ние носиме одговорност за православното единство. Во тој дух поминаа и разговорите во Киево-Печерската Лавра. Патријархот Вартоломеј изрази желба Патријархот Алексиј да биде присутен на средбата на Поглаварите на Помесните Православни Цркви во октомври оваа година во Фанар.

“И јас сум благодарен на Неговата Светост за заедничкото служење на Божествената Литургија, за заедничката трпеза и искрениот разговор што го водевме во митрополијата’’ – изјави Неговата Светост Патријарх Алексиј. Според неговите зборови, на средбата се договорија дека сите проблематични прашања треба да се решаваат по пат на дијалог на делегациите на двете Цркви за да се донесат решенија што ќе одговараат на заедничките црковни интереси.

Потоа пред новинарите излезе претседателот на Одделот за надворешни црковни врски Митрополитот Смоленски и Калининградски Кирил, оценувајќи ја позитивно оставрената средба. Според неговите зборови, најважно е реализацијата на политичките проекти да не влијае на црковниот живот.

Извор: Патриархиа.ру

Извор: МПЦ

Во украинската престолнина се одржа прес-конференција по повод празнувањето на 1020 години од покрстувањето на Русија (29.07.2008)

Во украинскиот главен град во конефернциската сала на Дворецот на Украина се одржа прес-конференција по повод празнувањето на 1020 години од покрстувањето на Русија. На прашања на новинарите одговараше претседателот на Одделот за надворешни црковни врски на Украинската Православна Црква архимандритот Кирил (Говорун).

Митрополитот Кирил го истакна големото значење на одржаните празнични свечености, кои посведочија за единството на вселенското Православие.

Одговарајќи на едно од прашањата, архимандритот Кирил рече дека во предвечерието на свеченоста се појавија одредени стравувања во врска со признавањето на автокефалноста на Украинската Црква од страна на Цариградската Патријаршија. После вчерашната средба на претставниците на Цариградската и Руската Православна Црква стана јасно дека Цариградската Патријаршија нема да преземе еднострани дејствија.

Се надеваме, рече претседателот на Одделот за надворешни црковни врски на Украинската Православна Црква, дека црковниот раскол во Украина ќе биде надминат, но за автокефалниот статус на Црквата треба да се разговара после обединувањето на украинското Православие. Ова мислење, според зборовите на отец Кирил го дели и Патријархот Вартоломеј.

„Идејата за создавањето на една помесна Црква врз основа на неканонски структури претрпе фиаско“, истакна архимандрит Кирил.

Посети: 377

Е-пошта

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на Refresh копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава