Вечерва на плоштадот „Македонија“ во 22 часот, со концертот на Симфонискиот оркестар FAME’S ќе се отвори 29-то издание на културната манифестација „Скопско лето“. Оркестарот, под диригентство на Иван Илиќ од Србија, ќе изведува филмска музика од познати, но и помалку познати филмски остварувања од САД и Европа, меѓу кои и од „Титаник“, „Војна на ѕвездите“, „Гладијатор“, „Пирати од Карибите“, „Мисија“... Со овој настан всушност, и Македонија се приклучува кон светското одбележување на јубилејот „100 години филмска музика“. Првпат музика за филм компонирал францускиот композитор Камиј Сен-Санс во 1908 година.

На концертот му претходи отворање на изложба на Националната галерија на Македонија и Струмичката ликовна колонија, во 20,30 часот во Чифте-амамот. Изложбата претставува дел од колекцијата на струмичката ликовна колонија, поточно ретроспектива на случувањата и сфаќањата кои се појавуваат во македонската ликовна уметност од 1945 година, па се до денес. На крајот, отворањето на „Скопско лето“ ќе заврши со полноќен рок-концерт насловен „Музика без граници“, кој од 23 часот ќе почне на плоштадот „Македонија“.

В недела, во рамките на „Скопско лето“ исто така на плоштадот „Македонија“ во 21, 30 часот, ќе се изведе операта „Кавалерија Рустикана“ на Пјетро Маскањи, под диригентство на Бисера Чадловска, а во режија на Волфганг Вајт од Германија. Главните улоги ги толкуваат: Сандра Митровска (Сантуца), Зоран Сотиров (Туриду), Горан Начевски (Алфио), Ирена Кавкалевска (Лола) и Лидија Нацоска (Мама Лучија). Сценографијата е на Живоин Трајановиќ, додека костимите се на Лира Грабул. (Т.И.)

Коментари (1)

1. Пратено од jjj, на 01-07-2008 11:07 oioiuy

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава